టోక్యో ఒలింపిక్స్లో టెన్నిస్ దిగ్గజం రోజర్ ఫెదరర్ పాల్గొనడం అనుమానంగానే ఉంది. సోమవారం (జూన్ 28) నుంచి జరగనున్న వింబుల్డన్ పూర్తి అయిన తర్వాతే ఒలింపిక్స్పై స్పష్టత వస్తుందని ఫెదరర్ శనివారం ప్రకటించాడు. వచ్చే రెండు వారాల్లో పరిస్థితులను బట్టి తన నిర్ణయం ఉంటుందని చెప్పాడు.
"ఒలింపిక్స్లో ఆడతానని కచ్చితంగా చెప్పలేను. వింబుల్డన్లో నా ప్రదర్శన వేసవి ప్రణాళికలపై ప్రభావం చూపుతుంది. ఒలింపిక్స్కు వెళ్లి, వీలైనన్ని ఎక్కువ టోర్నమెంట్లు ఆడాలని ఉంది. అయితే వింబుల్డన్ తర్వాత నా టీమ్తో చర్చించిన తర్వాతే తదుపరి నిర్ణయం తీసుకుంటా"
- రోజర్ ఫెదరర్, టెన్నిస్ క్రీడాకారుడు
40 ఏళ్ల ఫెదరర్ ఇప్పటికే రెండుసార్లు ఒలింపిక్స్లో పతకం సాధించాడు. వింబుల్డన్.. జులై 11న ముగుస్తుంది. కాగా టోక్యో ఒలింపిక్స్ జులై 23న మొదలవుతుంది. ఒలింపిక్స్ నుంచి ఇప్పటికే మరో స్టార్ ప్లేయర్ నాదల్ తప్పుకున్నాడు.
ఇదీ చూడండి: Wimbledon: వింబుల్డన్ నుంచి వైదొలిగిన హలెప్
