ఆస్ట్రేలియన్ ఓపెన్లో స్టార్ ప్లేయర్ల దూకుడు కొనసాగుతోంది. పురుషుల విభాగంలో స్పెయిన్ బుల్ నాదల్, మహిళల సింగిల్స్లో సిమోనా హలెప్, కెర్బర్ రెండో రౌండ్లోకి ప్రవేశించారు. భారత ఆటగాడు ప్రజ్నేష్ తొలి రౌండ్లోనే ఓడి ఇంటిముఖం పట్టాడు.
ప్రజ్నేష్ ఓటమి
భారత ఆటగాడు ప్రజ్నేష్ మంచి అవకాశాన్ని పోగొట్టుకున్నాడు. ఈ ఆటగాడు తొలి రౌండ్లో గెలిస్తే రెండో రౌండ్లో స్టార్ ప్లేయర్ జకోవిచ్తో తలపడేవాడు. కానీ మొదటి పోరులోనే జపాన్కు చెందిన టాట్సుమ చేతిలో 4-6, 2-6, 5-7 తేడాతో ఓడి ఇంటిముఖం పట్టాడు.
నాదల్ ముందుకు.. సొంగాకు గాయం
మంగళవారం జరిగిన తొలి రౌండ్ మ్యాచ్లో స్పెయిన్ బుల్ నాదల్ తొలి రౌండ్లో సునాయాస విజయం సాధించాడు. హ్యూగో డెల్లియాన్తో జరిగిన మ్యాచ్లో 6-2, 6-3, 6-0 తేడాతో గెలిచి రెండో రౌండ్లోకి ప్రవేశించాడు.
మాజీ ఆస్ట్రేలియన్ ఓపెన్ రన్నరప్ విల్ఫ్రెడ్ సొంగ మొదటి రౌండ్లో గాయంతో బాధపడ్డాడు. ఫలితంగా మ్యాచ్ మధ్యలోనే తప్పుకున్నాడు.
మరో ఆటగాడు అలెగ్జాండర్ జ్వరేవ్ కూడా రెండో రౌండ్లోకి ప్రవేశించాడు. మార్కో కెక్కినాటోతో జరిగిన మ్యాచ్ను 6-4, 7-6 (4) 6-3తేడాతో గెలుచుకున్నాడు.
మహిళల సింగిల్స్లో కెర్బర్, హలెప్ ముందంజ
జర్మనీకి చెందిన స్టార్ ప్లేయర్ కెర్బర్ రెండో రౌండ్లోకి ప్రవేశించింది. ఎలిసబెట్టతో జరిగిన మ్యాచ్ను 6-2, 6-2 తేడాతో గెలుచుకుంది.
మరో స్టార్ క్రీడాకారిణి సిమోనా హలెప్ తొలి రౌండ్లో శ్రమించింది. జెన్నిఫర్ బ్రాడీతో జరిగిన మ్యాచ్ను 7-6 (5), 6-1 తేడాతో గెలుచుకుని రెండో రౌండ్లోకి ప్రవేశించింది.
ఇవీ చూడండి.. ఆస్ట్రేలియా ఓపెన్: వీనస్ ఇంటిముఖం.. స్టార్ ప్లేయర్ల ముందంజ
