స్పెయిన్ టెన్నిస్ స్టార్ రఫెల్ నాదల్ ఫ్రెంచ్ ఓపెన్ సెమీ ఫైనల్లోకి దూసుకెళ్లాడు. ఈ సీజన్లో తొలిసారి ఓ సెట్ ఓటమిని చవి చూశాడు రఫా. బుధవారం పదో సీడ్ ఆటగాడు డియోగో స్క్వార్ట్జ్మన్తో జరిగిన మ్యాచ్లో 6-3, 4-6, 6-4, 6-0 తేడాతో విజయం సాధించాడు.
ఈ మ్యాచ్లో రెండో సెట్ను కోల్పోయిన నాదల్.. ఈ సీజన్లో తొలిసారి ఓ సెట్ను కోల్పోయాడు. అనంతరం మూడో సెట్లోనూ 4-3తో వెనుకంజ వేశాడు. ఆ తర్వాత పుంజుకున్న రఫెల్.. వరుసగా 9 గేమ్లను తన ఖాతాలో వేసుకున్నాడు. అదే ఊపులో మ్యాచ్ను కూడా గెలుపొందాడు. సెమీస్లో నొవాక్ జకోవిచ్, లేదా తొమ్మిదో సీడ్ ప్లేయర్ మాటియో బెరెట్టితో తలపడనున్నాడు నాదల్.
ఫ్రెంచ్ ఓపెన్లో వరుసగా 36 సెట్ల విజయాలను అందుకున్నాడు నాదల్. ఈ మ్యాచ్లో రెండో సెట్ను కోల్పోవడం ద్వారా ఈ సెట్ విజయాల పరంపరకు బ్రేక్ పడింది. గతంలో 2016-18 సీజన్లో వరుసగా 38 సెట్ల విజయాలను తన ఖాతాలో వేసుకున్నాడు రఫా. ఫ్రెంచ్ ఓపెన్లో వరుసగా 41 సెట్లను గెలుపొందిన రికార్డు జోర్న్ బోర్గ్ పేరిట ఉంది.
ఇదీ చదవండి: French Open నుంచి ఫెదరర్ నిష్క్రమణ
