కజకిస్థాన్ నూర్ సుల్తాన్ వేదికగా జరిగిన డేవిస్ కప్ పోరులో పాకిస్థాన్పై గెలిచి స్వదేశానికి చేరుకున్నారు భారత ఆటగాళ్ల. వీరికి దిల్లీ ఎయిర్పోర్ట్లో ఘనస్వాగతం లభించింది. నాన్ ప్లేయింగ్ కెప్టెన్ రోహిత్ రాజ్పాల్తో పాటు లియాండర్ పేస్కు స్వాగతం పలికేందుకు అభిమానులు పెద్ద ఎత్తున వచ్చారు. ఈ సందర్భంగా మీడియాతో మాట్లాడిన పేస్.. నాన్ ప్లేయింగ్ కెప్టెన్ రోహిత్ రాజ్పాల్ జట్టును ముందుండి నడింపించాడని ప్రశంసించాడు.
"తటస్థ వేదికపై పాకిస్థాన్తో జరిగిన డేవిస్ కప్లో భారత్ విజయం సాధించడం సంతోషంగా ఉంది. రోహిత్ రాజ్పాల్ జట్టును ముందుండి నడిపించాడు. ఆటగాళ్లలో సమన్వయాన్ని పెంపొందించాడు. జట్టుగా అందరూ చాలా బాగా ఆడారు."
-లియాండర్ పేస్, టెన్నిస్ ప్లేయర్
పాక్తో జరిగిన 5 మ్యాచ్ల సిరీస్లో 4-0 తేడాతో గెలిచి సత్తాచాటారు భారత ఆటగాళ్లు. ఈ టోర్నీలో 44వ విజయాన్ని ఖాతాలో వేసుకున్నాడు లియాండర్ పేస్. తద్వారా డేవిస్కప్లో తన అత్యధిక విజయాల రికార్డును తనే బ్రేక్ చేసుకున్నాడు. ఈ క్రమంలోనే ఇటలీ దిగ్గజ ఆటగాడు నికోలా(66 టై, 42 విజయాలు) రికార్డును అధిగమించాడు. పేస్ ప్రస్తుతం 56 టై, 44 విజయాలతో ఉన్నాడు.
ఇవీ చూడండి.. నేడు పెళ్లి.. నిన్న 'ముస్తాక్ అలీ' టైటిల్ విన్నర్
