Davis Cup India: ప్రతిష్ఠాత్మక టెన్నిస్ టోర్నీ.. డేవీస్ కప్కు భారత్ ఆతిథ్యం ఇవ్వనుంది. వచ్చే ఏడాది మార్చి 4-5 తేదీల్లో మ్యాచ్లు జరగనున్నాయి. అయితే టోర్నీ మొత్తం భారత్లో జరగదు. కేవలం కొన్ని ఎలిమినేటర్ మ్యాచ్లే జరుగుతాయి. ఇందులో భాగంగా డెన్మార్క్తో భారత్ తలపడనుంది. 2019 తర్వాత డేవిస్ కప్కు భారత్ ఆతిథ్యం ఇవ్వడం ఇదే తొలిసారి. ఏ పట్టణంలో ఈ మ్యాచ్లు నిర్వహిస్తారు అనే విషయంపై ఇంకా స్పష్టత లేదు.
భారత్ వేదికగా డేవిస్ కప్ మ్యాచ్లు జరగడంపై హర్షం వ్యక్తం చేశారు ఇండియా జట్టు కోచ్ జీషన్ అలీ. చాలారోజుల నిరీక్షణ తర్వాత సొంతగడ్డపై మ్యాచ్ నిర్వహించే అవకాశం వచ్చిందని అన్నారు. ప్రస్తుత ర్యాంకింగ్స్ గమనిస్తే డెన్మార్క్తో జరగనున్న మ్యాచ్ భారత్కు సవాల్గా మారిందన్నారు.
2019 ఫిబ్రవరిలో కోల్కతా వేదికగా ఇండియా-ఇటలీల మధ్య మ్యాచ్ జరిగింది. అందులో భారత్ 1-3తో ఓడిపోయింది.
డేవిస్ కప్ టోర్నీలో డెన్మార్క్-భారత్లు రెండుసార్లు తలపడ్డాయి. 1984 సెప్టెంబరులో ఆర్హస్ వేదికగా జరిగిన మ్యాచ్లో డెన్మార్క్పై 3-2తో భారత్ విజయం సాధించింది. 1927లో కోపెహగన్ వేదికగా జరిగిన మ్యాచ్లో భారత్ను 5-0తో డెన్మార్క్ వైట్వాష్ చేసింది.
ఇదీ చూడండి : Peng Shuai Missing: చైనాకు డబ్ల్యూటీఏ షాక్‌..పెంగ్‌ ఆచూకీ కోసం డిమాండ్‌
