అమెరికాలో పోలీసు అధికారి కర్కశత్వానికి బలైన ఆఫ్రికన్‌ అమెరికన్‌ జార్జ్‌ ఫ్లాయిడ్‌ హత్యపై జరుగుతున్న నిరసనలకు పరోక్షంగా మద్దతు పలికింది టెన్నిస్ ప్లేయర్ కోకో గాఫ్. ఈ మేరకు ట్విట్టర్లో ఓ వీడియోను పోస్టు చేసింది.
"ఈ వేదిక ద్వారా జాతివివక్షపై పోరాడేందుకు గళమెత్తుతున్నా. మరి మీరో?" అంటూ ఇప్పటివరకు చనిపోయిన కొందరి ఫొటోలతో రూపొందించిన వీడియోను అభిమానులతో పంచుకుందీ 16 ఏళ్ల ప్లేయర్. తర్వాత నేనేనా చనిపోయేది అని ప్రశ్నించింది.
-
#blacklivesmatter pic.twitter.com/WEZEmtHH8k
— Coco Gauff (@CocoGauff) May 29, 2020 " class="align-text-top noRightClick twitterSection" data="
">#blacklivesmatter pic.twitter.com/WEZEmtHH8k
— Coco Gauff (@CocoGauff) May 29, 2020#blacklivesmatter pic.twitter.com/WEZEmtHH8k
— Coco Gauff (@CocoGauff) May 29, 2020
ఇదీ జరిగింది...
ఆఫ్రికన్‌ అమెరికన్‌ జార్జ్‌ ఫ్లాయిడ్‌ మెడపై ఓ పోలీసు మోకాలితో తొక్కిపెట్టడం వల్ల ఊపిరాడక గిజగిజలాడిపోయి చివరకు మరణించాడు. "దయచేసి నా గొంతుపై కాలు తీయండి.. ఊపిరి ఆడట్లేదు. ప్రాణం పోయేలా ఉంది. నన్ను చంపేసేలా ఉన్నారు" అని విలవిలలాడినా ఆ కర్కశ పోలీసు కనికరించలేదు. అమెరికాలోని మినియాపొలిస్‌లో సోమవారం రాత్రి ఈ దుర్మార్గం చోటుచేసుకుంది. ఫలితంగా ఫ్లాయిడ్‌ హత్యకు నిరసనగా శనివారం పలు నగరాల్లో ఆందోళనలు కొనసాగాయి. ఆ పోలీసుపై హత్యానేరం కింద కేసు నమోదు చేసి అరెస్టు చేశారు.
