ఆస్ట్రేలియన్ ఓపెన్ మహిళల సింగిల్స్‌లో నవోమి ఒసాకా, జెన్నిఫర్ బ్రాడీ మధ్య శనివారం టైటిల్ పోరు జరగనుంది. ఫైనల్లో అందరి ఫేవరెట్‌ ఒసాకానే. సెమీఫైనల్లో దిగ్గజ క్రీడాకారిణి సెరెనాను ఓడించిన ఆమె రెండోసారి ఆస్ట్రేలియన్ ఓపెన్ టైటిల్‌ను గెలవాలని పట్టుదలగా ఉంది.
అయితే 22వ సీడ్‌ బ్రాడీ నుంచి గట్టి పోటీ తప్పకపోవచ్చు. గతేడాది యుఎస్‌ ఓపెన్ సెమీస్‌లో ఒసాకాకు ఆమె గట్టిపోటీ ఇచ్చింది. మూడు సెట్ల పాటు పోరాడి ఓడింది. ఈసారి ఆ ఓటమికి ప్రతీకారం తీర్చుకోవాలని చూస్తోంది.
- 23 ఏళ్ల ఒసాకా గ్రాండ్‌స్లామ్‌ ఫైనల్ చేరిన మూడుసార్లు విజయం సాధించింది. వరుసగా 20 మ్యాచ్‌లు గెలిచి మంచి ఫామ్‌లో ఉంది.
- 25 ఏళ్ల జెన్నిఫర్‌కు ఇదే తొలి గ్రాండ్‌స్లామ్‌ ఫైనల్.
ఇదీ చూడండి: ఆస్ట్రేలియన్ ఓపెన్ ఫైనల్: మెద్వెదెవ్ X జకోవిచ్
