టీ20 ప్రపంచకప్లో (T20 World Cup 2021) భాగంగా శుక్రవారం(నవంబరు 5) జరిగిన మ్యాచ్లో గంటలోపే స్కాట్లాండ్ను (Ind vs Scotland) చిత్తుచేసి సెమీస్ ఆశలను నిలబెట్టుకుంది టీమ్ఇండియా. పూర్తి మ్యాచ్(రెండు ఇన్నింగ్స్ కలిపి) 24.1 ఓవర్లలోనే ముగిసింది. తొలి ఇన్నింగ్స్లో 17.4 ఓవర్లలో స్కాట్లాండ్ను 85 పరుగులకే కట్టడి చేసి, అనంతరం 6.3 ఓవర్లలోనే లక్ష్యాన్ని ఛేదించింది భారత్. దీంతో నెట్రన్రేట్ను అమాంతం +1.619కు పెంచుకుంది. అది టేబుల్ టాపర్ పాకిస్థాన్ (+1.065) సహా గ్రూప్లోని అన్ని జట్ల కన్నా మెరుగైనది. అయినా టీమ్ఇండియా సెమీస్ (Semi Final World Cup 2021) చేరడం ఇప్పుడు దాని చేతుల్లో లేదు. ఈ నేపథ్యంలో భారత్ సహా మిగతా జట్లు సెమీస్కు చేరాలంటే ఏం చేయాలో తెలుసుకుందాం.
టీమ్ఇండియా..
టోర్నీ ఆరంభంలోనే (Ind vs Pak) పాక్, న్యూజిలాండ్ (Ind vs NZ) రూపంలో టీమ్ఇండియాకు గట్టి ఎదురుదెబ్బ తగిలింది. టైటిల్ ఫేవరెట్గా బరిలోకి దిగిన జట్టు.. సెమీస్ చేరితే చాలు అన్నట్లుగా పరిస్థితి మారింది. ఇక రేసులో నిలవాలంటే నెట్రన్రేట్ పెంచుకోవాల్సిన కీలక దశలో అఫ్గాన్, స్కాట్లాండ్పై భారీ విజయాలు సాధించింది కోహ్లీసేన. ఇక భారత్ ఆశలన్నీ ఆదివారం జరగనున్న కివీస్, అఫ్గాన్ (NZ vs Afg) మధ్య జరగనున్న మ్యాచ్పైనే. కివీస్ గెలిస్తే ఎనిమిది పాయింట్లతో ముందంజ వేస్తుంది. భారత్ కథ ముగుస్తుంది. నమీబియాతో చివరి మ్యాచ్ నామమాత్రమవుతుంది. ఎందుకంటే ఆ మ్యాచ్లో గెలిచినా భారత్ ఖాతాలో ఆరు పాయింట్లే (మూడు విజయాలు) ఉంటాయి. ఒకవేళ అఫ్గానిస్థాన్ సంచలనం సృష్టిస్తే భారత్ సెమీస్ ఆశలు సజీవంగా ఉంటాయి. ముందంజ వేయాలంటే చివరి మ్యాచ్లో సోమవారం నమీబియాపై భారీ తేడాతో గెలవాల్సివుంటుంది.
పాకిస్థాన్
ఈ ప్రపంచకప్లో అత్యుత్తమంగా ఆడుతున్న జట్టు పాక్. ఆడిన నాలుగు మ్యాచుల్లోనూ గెలిచి 8 పాయింట్లతో అగ్రస్థానంలో ఆ జట్టు ఇప్పటికే సెమీస్కు చేరింది.
అఫ్గానిస్థాన్..
అఫ్గాన్ సెమీస్ చేరాలంటే.. మెరుగైన రన్రేట్ వచ్చేలా న్యూజిలాండ్ను (Afghanistan vs New Zealand) ఓడించాలి. ఇక నమీబియా.. టీమ్ఇండియాతో జరిగే మ్యాచ్లో మంచి ప్రదర్శన చేసి భారత జట్టు రన్రేట్ పెరగకుండా చూసుకోవాలి.
కివీస్..
గ్రూప్ 2లో సెమీస్కు పాక్ తర్వాత ఎక్కువ అవకాశాలున్నది న్యూజిలాండ్కే. సెమీస్ చేరాలంటే అఫ్గాన్ను (NZ vs Afg) ఓడిస్తే సరిపోతుంది. ఒకవేళ ఓడిపోతే మాత్రం.. నెట్రన్రేట్లో వెనకబడి ఉన్న కారణంగా సెమీస్ అవకాశాలు చేజారుతాయి.
గ్రూప్ 1లో ఇలా..
గ్రూప్-1లో ఇప్పటికే ఇంగ్లాండ్ సెమీస్కు అర్హత సాధించింది. శనివారం(నవంబరు 6) వెస్టిండీస్తో జరిగిన మ్యాచ్లో గెలిచి 8 పాయింట్లతో రెండో స్థానంలో ఉన్న ఆస్ట్రేలియా కూడా సెమీస్ బెర్తు ఖరారు చేసుకుంది. కాగా, నవంబరు 6న జరిగిన మ్యాచ్లో ఇంగ్లాండ్పై విజయం సాధించినా కూడా సెమీస్ అవకాశాలను కోల్పోయింది దక్షిణాఫ్రికా.
ఇవీ చూడండి:
'సెమీస్ రేసులో ఉత్కంఠ.. అఫ్గాన్-కివీస్పైనే ఒత్తిడి'
