ఆన్లైన్ నేషన్స్ చెస్ టోర్నీకి వేళైంది. నేడు జరుగబోయే ఈ పోటీల్లో తెలుగు తేజాలు కోనేరు హంపి, ద్రోణవల్లి హారిక, పెంటేల హరికృష్ణ ఆడనున్నారు. అయిదుసార్లు ప్రపంచ ఛాంపియన్‌ విశ్వనాథన్‌ ఆనంద్‌ నాయకత్వం వహిస్తున్న ఈ జట్టులో విదిత్‌ గుజరాతి, అధిబన్‌ కూడా ఉన్నారు.
భారత బృందానికి వ్లాదిమిర్‌ క్రామ్నిక్‌ సలహాదారుగా వ్యవహరించనున్నాడు. చైనా, రష్యా, అమెరికా, ఐరోపా, రెస్ట్‌ ఆఫ్‌ వరల్డ్‌ జట్లు ఈ టోర్నీలో పోటీపడుతున్నాయి. ఆరు జట్లు ఆడుతున్న ఈ కప్‌లో పోటీలు రౌండ్‌ రాబిన్‌ లీగ్‌ పద్ధతిలో జరుగుతాయి. లీగ్‌లో అగ్రస్థానంలో నిలిచిన రెండు జట్లు టైటిల్‌ కోసం 'సూపర్‌ ఫైనల్‌'లో తలపడతాయి.
