Rishabh Pant 2025 IPL : 2025 ఐపీఎల్ రిటెన్షన్స్ జాబితాలో ఊహించని ట్విస్ట్లు నెలకొన్నాయి. ముఖ్యంగా దిల్లీ క్యాపిటల్స్ తమ జట్టు కెప్టెన్ రిషబ్ పంత్ను రిటైన్ చేసుకోకుండా వదిలేసింది. దీంతో పంత్ మెగా వేలంలోకి వచ్చాడు. ప్రస్తుతం ఇది సంచలనంగా మారింది. ఇదిలా ఉంటే అంతలోనే చెన్నై సూపర్ కింగ్స్ మాజీ ప్లేయర్ సురేశ్ రైనా ఈ విషయంలో బిగ్ ట్విస్ట్ ఇచ్చాడు. అదేంటంటే?
రైనా ఆసక్తికర వ్యాఖ్యలు
'నేను మహేంద్ర సింగ్ ధోనీని దిల్లీలో కలిశాను. ఆ సమయంలో పంత్ కూడా అక్కడే ఉన్నాడు. ఎవరో ఎల్లో కలర్ జెర్సీ వేసుకుంటారని అనిపిస్తుంది' అని ఓ ఇంటర్వ్యూలో రైనా వ్యాఖ్యానించాడు. రైనా మాటలను చూస్తుంటే పంత్ను చెన్నై సూపర్ కింగ్స్ మెగా వేలంలో దక్కించుకునేందుకు ప్రయత్నిస్తుందని అర్థమవుతోంది. రిషబ్ పంత్పై చెన్నై ఆసక్తి చూపిస్తున్నట్లు ఇటీవల వార్తలు కూడా వచ్చాయి. రైనా తాజాగా చేసిన వ్యాఖ్యలతో ఆ వార్తలకు మరింత బలం చేకూరుతోంది.
ధోనీ తర్వాత!
ధోనీ తర్వాత చెన్నైకి సరైన వికెట్ కీపర్ లేడు. అందుకే పంత్ను తీసుకుంటే వికెట్ కీపర్తో పాటు బ్యాటర్గా కూడా పనికొస్తాడు. వయసురీత్యా ధోనీ ఎక్కువ సీజన్లు ఆడలేడు. అందుకే ఇప్పట్నుంచే వికెట్ కీపర్, బ్యాటర్ కోసం చెన్నై ప్రయత్నాలు చేస్తుందనడంలో సందేహం లేదు. అలా పంత్ను ఇప్పుడే తీసుకుంటే ఇప్పటి నుంచే ధోనీ పర్యవేణలో సాన పెట్టొచ్చని చెన్నై ఫ్రాంచైజీ భావిస్తున్నట్లు తెలుస్తోంది.
అయితే రిషభ్ ఎల్లో జెర్సీ ధరిస్తాడా? లేదా? అనేది మరికొద్ది రోజుల్లో తెలిసిపోతుంది. నవంబర్ ఆఖరి లేదా డిసెంబర్ తొలి వారంలోనే 2025 ఐపీఎల్ మెగా వేలం జరగనుంది. ఈ వేలంలో రిషభ్ను దక్కించుకునేందుకు చెన్నైతో పాటు ఆర్సీబీ కూడా ఆసక్తి కనబరుస్తున్నట్లు తెలుస్తోంది.
దిల్లీ రిటెన్షన్స్
కాగా, దిల్లీ క్యాపిటల్స్ ఫ్రాంచైజీ అక్షర్ పటేల్, కుల్దీప్ యాదవ్, ట్రిస్టన్ స్టబ్స్, అభిషేక్ పొరెల్ ను రిటెన్షన్ చేసుకుంది. పంత్తోపాటు ఆసీస్ ప్లేయర్ డేవిడ్ వార్నర్, జేక్ ప్రెజర్ రిలీజ్ చేసింది. దీంతో ఈ ముగ్గురు ప్లేయర్లు ఐపీఎల్ మెగావేలంలోకి రానున్నారు.
