బక్సమ్ అంతర్జాతీయ బాక్సింగ్ టోర్నీలో భారత బాక్సర్లు సత్తా చాటారు. తాజాగా మనీష్ కౌశిక్, వికాస్ క్రిష్ణన్ ఫైనల్లోకి చేరారు. 63 కేజీల విభాగంలో మనీష్ కౌశిక్.. ఫ్రాన్స్ బాక్సర్ లాన్స్ హమ్రాయ్పై 3-2తో విజయం సాధించాడు. 69 కేజీల విభాగంలో వికాస్ క్రిష్ణన్.. కజకిస్థాన్ బాక్సర్ అబ్లాయ్ ఖాన్పై 3-2 తేడాతో గెలుపొందాడు.
కామన్వెల్త్ కాంస్య పతక విజేత మహమ్మద్ హుసాముద్దీన్ (57 కేజీలు) కూడా ఫైనల్లోకి దూసుకెళ్లాడు. 4-1 తేడాతో పనామా ఓర్లాండో మార్టినెజ్పై విజయం సాధించాడు.
ఇంకా.. సుమిత్ సాంగ్వాన్(81కేజీలు), సతీశ్ కుమార్( +91కేజీలు), ఆశిష్ కుమార్(75 కేజీలు) కూడా తమ తమ విభాగాల్లో ఫైనల్లోకి ప్రవేశించారు.
మహిళల్లో ముగ్గురు..
మహిళల విభాగంలో సిమ్రన్జీత్ కౌర్ (60 కేజీలు), పూజా రాణి (75 కేజీలు), జాస్మిన్ (51 కేజీలు) ఇప్పటికే ఫైనల్ చేరుకున్నారు. ఆరు సార్లు ప్రపంచ ఛాంపియన్ మేరీకోమ్ (51 కేజీలు) సెమీస్లో ఓటమిపాలైంది. ఆమెకు కాంస్య పతకం దక్కనుంది.
ఇదీ చదవండి: చేజారిన శతకం.. కానీ ఈ ఇన్నింగ్స్ 'సుందరం'
