ఒలింపిక్స్లో ప్రేక్షకుల అనుమతించే విషయం కీలక నిర్ణయం వెల్లడించింది ఒలింపిక్ నిర్వాహక కమిటీ. వేదిక సామర్థ్యంలో 50 శాతం మంది లేదా ఒక్కో గేమ్కు గరిష్ఠంగా 10 వేల మందిని స్టేడియంలోకి అనుమతించనున్నట్లు స్పష్టం చేసింది. ఈ పోటీలకు స్థానికులు మాత్రమే హాజరు కానున్నారు. విదేశీ అభిమానులపై ఇప్పటికే ఐఓసీ నిషేధం విధించింది.
అంతర్జాతీయ ఒలింపిక్ కమిటీ, అంతర్జాతీయ పారాలింపిక్ కమిటీ, టోక్యో 2020, టోక్యో మెట్రో పాలిటిన్ ప్రభుత్వం, జపాన్ ప్రభుత్వం.. సంయుక్తంగా నిర్వహించిన వర్చువల్ సమావేశంలో ఈ మేరకు నిర్ణయం తీసుకున్నారు. పాఠశాల విద్యార్థులతో పాటు వారి పర్యవేక్షకులను అభిమానుల కింద పరిగణించకూడదని స్పష్టం చేశాయి. జులై 23 నుంచి ఆగస్టు 8 వరకు టోక్యో వేదికగా ఒలింపిక్స్ జరగనున్నాయి.
ఇదీ చదవండి: Tokyo Olympics: ఒలింపిక్స్లో తొలిసారి ఓ ట్రాన్స్జెండర్
