మహిళల స్పీడ్ చెస్ ఛాంపియన్షిప్లో గ్రాండ్మాస్టర్, ర్యాపిడ్‌ ప్రపంచ ఛాంపియన్ కోనేరు హంపి అద్భుత విజయం సాధించింది. ప్రపంచ నంబర్‌వన్‌ హో ఇఫాన్ (చైనా)కు షాకిస్తూ ఈ తెలుగమ్మాయి ఫైనల్‌కు దూసుకెళ్లింది.
శుక్రవారం జరిగిన సెమీస్లో హంపి 6-5తో ఇఫాన్ను ఓడించింది. ఈ పోరులో తొలి గేమ్‌ హంపి గెలవగా.. ఆ తర్వాత గేమ్‌ను ఇఫాన్ దక్కించుకుంది. ఆ తర్వాత రెండు గేమ్‌లను హంపి, ఇఫాన్ చెరొకటి నెగ్గడం వల్ల పోటీ ఉత్కంఠగా మారింది.
ఈ స్థితిలో ఒత్తిడిని తట్టుకుంటూ నిర్ణయాత్మక గేమ్‌ను గెలిచిన హంపి.. ఫైనల్లోకి ప్రవేశించింది. అలెగ్జాండ్రా కోస్తెనెక్‌ (రష్యా), సరాసాదత్‌ (ఇరాన్‌) మధ్య సెమీస్ విజేతతో హంపి.. టైటిల్ పోరులో తలపడనుంది.
ఇదీ చూడండి: తెలుగమ్మాయి భళా: కెయిన్స్ కప్ విజేతగా కోనేరు హంపి
