German Open: ప్రపంచ ఛాంపియన్షిప్స్లో రజత పతక విజేత కిదాంబి శ్రీకాంత్ తన జోరు కొనసాగిస్తున్నాడు. జర్మన్ ఓపెన్ సూపర్ 300 టోర్నమెంట్లో గురువారం క్వార్టర్ఫైనల్కు దూసుకెళ్లాడు. జర్ననీలో జరగుతున్న ఈ టోర్నీ నుంచి ఆదిలోనే నిష్క్రమించి నిరాశపరిచారు ఒలింపిక్ పతక విజేతలు పీవీ సింధు, సైనా నెహ్వాల్.
ప్రపంచ మాజీ నెం.1గా ఉన్న శ్రీకాంత్.. చెనాకు చెందిన లు గువాంగ్జుపై రెండో రౌండ్లో 21-16, 21-23, 21-18 తేడాతో గెలుపొందాడు. అతడు తన తర్వాతి మ్యాచ్లో డెన్మార్క్కు చెందిన ఒలింపిక్ ఛాంపియన్, టాప్సీడ్ విక్టర్ అక్సెల్సెన్తో తలపడే అవకాశం ఉంది.
ఇక మహిళల సింగిల్స్ రెండో రౌండ్లో ఏడో సీడ్ సింధుకు షాక్ ఇచ్చింది చైనాకు చెందిన ఝాంగ్యి మాన్. 14-21 21-15 14-21 తేడాతో సింధు ఓటమి పాలైంది. మరోవైపు ఫిట్నెస్ సమస్యలతో బాధపడుతున్న సైనా.. థాయ్లాండ్ క్రీడాకారిణి రచనాక్ ఇంటనాన్ చేతిలో 10-21 15-21తేడాతో ఓడిపోయింది.
ఇదీ చూడండి: నా ఫైనల్ టార్గెట్ అదే: షట్లర్ కిదాంబి శ్రీకాంత్
