భారత మహిళ రెజర్లు అన్షు మాలిక్(57 కిలోలు), సోనమ్ మాలిక్(62 కిలోలు) ఒలింపిక్స్ బెర్త్లు సాధించారు. ఈ విషయమై కేంద్ర క్రీడామంత్రి కిరణ్ రిజిజు ట్విట్టర్ వేదికగా వారిద్దరినీ అభినందించారు. క్వాలిఫయింగ్ మ్యాచ్లో అద్భుత ప్రదర్శన చేశారని, దేశం తరఫున ఒలింపిక్స్ పాల్గొంటున్న సందర్భంగా వారికి ఆల్ ది బెస్ట్ చెప్పారు.
కజకస్థాన్లో జరుగుతున్న ఆసియా ఒలింపిక్స్ క్వాలిఫయర్స్లో 19 ఏళ్ల అన్షు.. సెమీస్లో అక్మెదేవాను ఓడించి ఒలింపిక్స్కు అర్హత సాధించింది. మరో మ్యాచ్లో సోనమ్.. అయాలిమ్ కస్సిమోవాపై గెలిచి టోక్యో బెర్త్ను ఖరారు చేసుకుంది. ఈ ఏడాది జులై 23 నుంచి ఆగస్టు 8 వరకు ఒలింపిక్స్ జరగనున్నాయి.
