Praggnanandhaa Carlsen: 16 ఏళ్ల భారత కుర్రాడు, గ్రాండ్మాస్టర్ ఆర్.ప్రజ్ఞానంద రికార్డు సృష్టించాడు. ఓ ఆన్లైన్ రాపిడ్ చెస్ పోటీలో ప్రపంచ ఛాంపియన్ మాగ్నస్ కార్ల్సన్కు షాకిచ్చాడు. ఎయిర్థింగ్స్ మాస్టర్స్లోని ఎనిమిదో రౌండ్లో అతడిని ఓడించి ఔరా అనిపించాడు.
ఈ టోర్నీలో మాగ్నస్ మూడు వరుస విజయాలకు బ్రేక్ వేశాడు. 39 ఎత్తుల్లో నల్ల పావులతో గెలిచాడు. దీంతో ఎనిమిది రౌండ్ల తర్వాత ఎనిమిది పాయింట్లతో ఉమ్మడిగా 12వ స్థానంలో నిలిచాడు. కార్ల్సన్పై అతని అద్భుత విజయానికి ముందు ఆడిన ఏడు రౌండ్లలో నాలుగు పరాజయాలు, ఓ విజయం, రెండు డ్రాలు ఉన్నాయి.
ఈ టోర్నీలో.. కొన్నినెలల క్రితం ప్రపంచ ఛాంపియన్‌షిప్ మ్యాచ్‌లో కార్ల్‌సన్ చేతిలో ఓడిపోయిన రష్యాకు చెందిన ఇయాన్ నెపోమ్నియాచి 19 పాయింట్లతో అగ్రస్థానంలో నిలిచాడు. డింగ్ లిరెన్, హాన్సెన్.. ఇద్దరూ 15 పాయింట్లతో తర్వాతి స్థానాల్లో ఉన్నారు.
ఇదీ చూడండి: రోహిత్‌.. తొలి కెప్టెన్గా సరికొత్త రికార్డు!
