రెజ్లర్ సాగర్ హత్య కేసు(Chhatrasal Brawl Case)లో మరో నిందుతుడ్ని దిల్లీ క్రైమ్ బ్రాంచ్ పోలీసులు గురువారం అదుపులోకి తీసుకున్నారు. సాగర్పై దాడి చేసిన వారిలో సుశీల్ సన్నిహితుల్లో అనిరుధ్ ఒకడని పోలీసులు వెల్లడించారు. ఈ కేసులో సుశీల్ కుమార్తో సహా పది మందిని అరెస్టు చేశారు.
ప్రస్తుతం ఈ కేసులో దర్యాప్తును దిల్లీ పోలీసులు ముమ్మరం చేశారు. సుశీల్ పరారీలో ఉన్నప్పుడు అతనికి సహాయపడిన వారి వివరాలను సేకరిస్తున్నారు. అయితే సాగర్ హత్య కేసులో 13 మంది ప్రమేయం ఉన్నట్లు దిల్లీ పోలీసులు వెల్లడించగా.. ఇప్పటివరకు వారిలో 10 మందిని అరెస్ట్ చేసినట్లు తెలిపారు. మిగిలిన ముగ్గురు పరారీలో ఉన్నారని పేర్కొన్నారు.
ఇదీ చూడండి.. హత్య కేసులో కొత్త కోణం.. అమ్మాయే కారణమా?
