అంతర్జాతీయ షూటింగ్ క్రీడా సమాఖ్య సంయుక్త ప్రపంచకప్ వచ్చే ఏడాది మార్చి 15 నుంచి 26 వరకు దేశ రాజధానిలో జరగనుంది. ఇందులో రైఫిల్, పిస్టల్, షాట్గన్ పోటీలు ఉండనున్నాయి. ఈ పోటీలు వచ్చే వేసవి టోక్యో ఒలింపిక్స్‌కు సిద్ధం కావడానికి షూటర్లకు మంచి వేదికగా మారనున్నాయి.
కార్యనిర్వాహక కమిటీ ఆమోదం పొందిన తర్వాత ఐఎస్ఎస్ఎఫ్ సోమవారం తేదీలు ఖరారు చేసింది.
"ఐఎస్ఎస్ఎఫ్ ఎగ్జిక్యూటివ్ కమిటీ 2020 ప్రపంచకప్ తేదీలను నిర్ణయించింది. దిల్లీలో 2020 మార్చి 15 నుంచి 26 వరకు రైఫిల్, పిస్టల్, షాట్గన్ ఈవెంట్లు జరగనున్నాయి. ఈ విషయాన్ని నేషనల్ రైఫిల్ అసోసియేషన్ ఆఫ్ ఇండియాకు లేఖ ద్వారా తెలియచేశాం" అని వెల్లడించింది.
ఇది సంగతి: 'మాకు రెండే ఆప్షన్లు... కోపానికి తావు లేదు'
