15ఏళ్ల తర్వాత రింగ్లోకి రీఎంట్రీ ఇచ్చిన దిగ్గజ బాక్సర్ మైక్ టైసన్, మరో దిగ్గజం రాయ్ జోన్స్ జూనియర్ మధ్య శనివారం జరిగిన ఎగ్జిబిషన్ మ్యాచ్ డ్రాగా ముగిసింది. లాస్ ఏంజెల్స్ వేదికగా ఎనిమిది రౌండ్లు పాటు సాగిన ఈ పోరులో టైసన్, జోన్స్.. ఇద్దరు అద్భత ప్రదర్శన చేశారు. ఈ మ్యాచ్ ద్వారా వచ్చిన మొత్తాన్ని ఛారిటబుల్ ట్రస్టులకు విరాళంగా ఇవ్వనున్నారు.
"ఈ ఎగ్జిబిషన్ మ్యాచ్ ద్వారా చారిటబుల్ ట్రస్టులకు విరాళాలను సేకరిస్తున్నాం. ఈ ప్రపంచం కోసం మేం ఏదైనా మంచి చేస్తాం. మళ్లీ ఇలాంటి ఎగ్జిబిషన్ మ్యాచులు ఆడుతాం"
-టైసన్, దిగ్గజ బాక్సర్
రికార్డుల్లో ఇద్దరూ ఇలా..
రాయ్ జోన్స్ జూనియర్(51).. 1989 నుంచి 2018 వరకు ఆడి మిడిల్ వెయిట్, సూపర్ మిడిల్ వెయిట్, లైట్ హెవీ వెయిట్, హెవీ వెయిట్ బాక్సింగ్ టైటిల్స్ సొంతం చేసుకున్నాడు.
'బ్యాడెస్ట్ మ్యాన్ ఆన్ ది ప్లానెట్'గా పేరు సంపాదించాడు దిగ్గజ బాక్సర్ టైసన్. 20 ఏళ్ల వయసులోనే ప్రపంచ ఛాంపియన్గా నిలిచాడు. కానీ, 1990లో బస్టర్ డగ్లాస్తో ఓటమి తర్వాత టైసన్ కోలుకోలేకపోయాడు. ఆ తర్వాత టైసన్పై రేప్, డ్రగ్స్ ఆరోపణలు కూడా వచ్చాయి. 2005లో తన చివరి మ్యాచ్ ఆడాడు.
ఇదీ చూడండి : బౌట్ కోసం విద్యుత్ తీగలతో టైసన్ ప్రాక్టీస్
