Nadal Mexican open trophy: స్పెయిన్ బుల్ రఫేల్ నాదల్ జోరు మీదున్నాడు. అతడి ఖాతాలోకి మరో టైటిల్ వచ్చి చేరింది. శనివారం జరిగిన మెక్సికో ఓపెన్ ఫైనల్లో కామెరూన్ నారీను 6-4,6-4 తేడాతో ఓడించి విజయం సాధించాడు. ఫలితంగా కెరీర్లో 91ఏటీపీ టైటిల్ను ముద్దాడాడు.
నాదల్.. ఈ ఏడాది ఇప్పటివరకు మూడు ట్రోఫీలను అందుకున్నాడు. అందులో మెల్బోర్న్ సమ్మర్ సెట్, ఆస్ట్రేలియన్ ఓపెన్ టైటిల్స్ ఉన్నాయి. ఇటీవలే జరిగిన ఆస్ట్రేలియన్ ఓపెన్‌లో నాదల్ సరికొత్త చరిత్రను లిఖించాడు. జకోవిచ్‌, రోజర్ ఫెదరర్‌లను వెనక్కినెట్టి టెన్నిస్ ప్రపంచంలో అత్యధిక గ్రాండ్‌స్లామ్‌లను కైవసం చేసుకున్న ఆటగాడిగా రికార్డు సృష్టించాడు. మొత్తంగా కెరీర్లో నాదల్ 31 గ్రాండ్‌స్లామ్‌లలో విజయం సాధించాడు.
కాగా, మెక్సికో ఓపెన్ డబుల్స్ విభాగంలో ఫెలిసియానో లోపెజ్-సిట్సిపాస్ జోడీ మార్కెలొ అరివాలొ-జీన్ జులియెన్ రోజర్ ద్వయాన్ని 7-5,6-4 తేడాతో ఓడించి ట్రోఫీని అందుకుంది.
ఇదీ చూడండి: Australian Open 2022: రఫేల్దే టైటిల్.. పోరాడి ఓడిన మెద్వెదెవ్
