త్వరలో జరగబోయే టోక్యో, బీజింగ్ ఒలింపిక్స్లో పాల్గొనే క్రీడాకారులకు కరోనా టీకా వేసేందుకు.. అంతర్జాతీయ ఒలింపిక్స్ కమిటీ (ఐఓసీ), చైనాలు ఓ అవగాహనకు వచ్చాయి. వీడియో కాన్ఫరెన్స్‌ ద్వారా గురువారం జరిగిన సమావేశంలో ఈ మేరకు ఓ నిర్ణయానికి వచ్చినట్లు ఐఓసీ ప్రకటించింది.
చైనా ప్రతిపాదనను స్వాగతించిన ఐఓసీ.. నిజమైన క్రీడా స్ఫూర్తికి నిదర్శనమని ఐఓసీ అధ్యక్షుడు థామస్బాచ్ పేర్కొన్నారు. ఒలింపిక్స్, పారా ఒలింపిక్స్లో పాల్గొనే క్రీడాకారులకు రెండు కంటే ఎక్కువ డోసులు అవసరమైతే అందుకయ్యే వ్యయాన్ని ఐఓసీ భరిస్తుందన్నారు.
జులై 23 నుంచి టోక్యో ఒలింపిక్స్, 2022 ఫిబ్రవరిలో శీతాకాల ఒలింపిక్స్ క్రీడలు బీజింగ్‌లో జరగనున్నాయి.
ఇదీ చూడండి: టోక్యో ఒలింపిక్స్: విదేశీ క్రీడాభిమానులకు నో ఎంట్రీ!
