Indonesia open 2023 : సాత్విక్‌–చిరాగ్‌ సంచలనం.. తొలిసారి ఫైనల్​లోకి

Indonesia open 2023 Badminton satwiksairaj rankireddy and chirag shetty : సాత్విక్‌ సాయిరాజ్‌–చిరాగ్‌ శెట్టి జోడీ మరోసారి సంచలన ప్రదర్శన చేసింది. ఇండోనేసియా ఓపెన్‌ ప్రపంచ టూర్‌ సూపర్‌ 1000 బ్యాడ్మింటన్‌ టోర్నీలో ఫైనల్ చేరింది.

Indonesia open 2023 Badminton : ఈ ఏడాది నిలకడగా రాణిస్తున్న భారత పురుషుల డబుల్స్‌ బ్యాడ్మింటన్‌ జోడీ.. సాత్విక్‌ సాయిరాజ్‌–చిరాగ్‌ శెట్టి. ఇప్పుడు మరో సంచలన ప్రదర్శన చేసింది. ఇండోనేసియా ఓపెన్‌ ప్రపంచ టూర్‌ సూపర్‌ 1000 బ్యాడ్మింటన్‌ టోర్నీలో.. పురుషుల డబుల్స్‌లో సాత్విక్‌- చిరాగ్‌ జోడీ ఫైనల్​కు దూసుకెళ్లింది. హోరా హోరీగా సాగిన సెమీస్​లో ఈ ఏడో సీడ్‌ భారత జంట 17-21, 21-19, 21-18 తేడాతో సౌత్​ కొరియాకు చెందిన కాంగ్‌ మిన్‌ హిక్‌–సియో సెంగ్‌ జె జోడీని ఓడించింది. టైటిల్ పోరుకు అర్హ‌త సాధించింది. ఫలితంగా బీడబ్ల్యూఎఫ్​ వరల్డ్ టూర్​ సూపర్ 1000 ఈవెంట్​లో ఫైనల్​కు చేరిన మొద‌టి భార‌త జోడీగా రికార్డు సృష్టించారు. ఈ సెమీస్​ 67 నిమిషాల పాటు సాగింది. థ్రిల్లింగ్ సాగిన మూడో సెట్​లో ఓ దశలో 16-16తో టై కూడా అయింది. కానీ ఆ తర్వాత భారత జోడీ పైచేయి సాధించింది.

అంతకుముందు ఈ ద్వయం క్వార్టర్స్​లో 21-13, 21-13 తేడాతో టాప్‌ సీడ్‌ ఫజర్‌ అల్ఫియాన్‌- మహమ్మద్‌ రియాన్‌ (ఇండోనేసియా)పై గెలిచింది. మంచి స్మాష్‌లు, డ్రాప్‌లు, క్రాస్‌కోర్టు షాట్లతో చెలరేగిన ఈ ద్వయం 41 నిమిషాల్లోనే ప్రత్యర్థిని మట్టికరిపించింది. ఇక ఈ సీజన్‌లో ఈ జోడీ.. స్విస్‌ ఓపెన్, ఆసియా ఛాంపియన్‌షిప్‌లో విజేతగా నిలిచి స్వర్ణ పతకాలను ముద్దాడగా.. మలేసియా ఓపెన్‌లో సెమీఫైనల్‌ చేరింది.

• HISTORIC 💯
  
  First-ever #BWFWorldTour Super 1000 final for Sat-Chi and they enter it in style 😍🔥
  
  📸: @badmintonphoto@himantabiswa | @sanjay091968 | @lakhaniarun1 #IndonesiaOpen2023#IndonesiaOpenSuper1000#IndiaontheRise#Badminton pic.twitter.com/DQjOXL4EOI

  — BAI Media (@BAI_Media) June 17, 2023 " class="align-text-top noRightClick twitterSection" data="

  HISTORIC 💯
  
  First-ever #BWFWorldTour Super 1000 final for Sat-Chi and they enter it in style 😍🔥
  
  📸: @badmintonphoto@himantabiswa | @sanjay091968 | @lakhaniarun1 #IndonesiaOpen2023#IndonesiaOpenSuper1000#IndiaontheRise#Badminton pic.twitter.com/DQjOXL4EOI

  — BAI Media (@BAI_Media) June 17, 2023

  ">

  HISTORIC 💯
  
  First-ever #BWFWorldTour Super 1000 final for Sat-Chi and they enter it in style 😍🔥
  
  📸: @badmintonphoto@himantabiswa | @sanjay091968 | @lakhaniarun1 #IndonesiaOpen2023#IndonesiaOpenSuper1000#IndiaontheRise#Badminton pic.twitter.com/DQjOXL4EOI

  — BAI Media (@BAI_Media) June 17, 2023

ప్రణయ్​కు నిరాశ.. పురుషుల సింగిల్స్‌ క్వార్టర్స్‌లో 21-18, 21-16 తేడాతో మూడో సీడ్‌ కొడాయ్‌ నరోకా (జపాన్‌)ను ఓడించి సెమీస్​కు దూసుకెళ్లిన హెచ్ ఎస్ ప్రణయ్​కు ఈ పోరులో నిరాశ ఎదురైంది. డెన్మార్క్​కు చెందిన విక్టర్​ యాక్సల్​సెన్​చేతిలో ఓడిపోయాడు. 15-21 15-21 తేడాతో ఓటమి చెందాడు.

శ్రీకాంత్​, సింధు​.. మ‌రో భార‌త స్టార్ షట్లర్​ కిదాంబి శ్రీ‌కాంత్‌ క్వార్ట‌ర్స్‌లోనే ఇంటి దారి ప‌ట్టిన సంగతి తెలిసిందే. మ‌హిళ‌ల సింగిల్స్‌లో ఫేవరెట్​గా బరిలోకి దిగిన పీవీ సింధు రెండో రౌండ్ కూడా దాట‌లేక‌పోయింది.

ఇదీ చూడండి :