2021 పురుషుల ప్రపంచ బాక్సింగ్ ఛాంపియన్షిప్కు ఆతిథ్యం వహించే హక్కును భారత్ కోల్పోయింది. ఆతిథ్యానికి సంబంధించిన రుసుమును చెల్లించడంలో భారత్ విఫలమవడం వల్ల 2017లో చేసుకున్న ఒప్పందాన్ని అంతర్జాతీయ బాక్సింగ్ అసోసియేషన్(ఏఐబీఏ) రద్దు చేసుకుంది. ఫలితంగా ఈ ఈవెంట్కు ఆతిథ్యం వహించే అవకాశం సెర్బియాకు దక్కింది.
అయితే ఒప్పందం రద్దయిన నేపథ్యంలో 500 డాలర్ల పెనాల్టీ రుసుమును భారత్ చెల్లించాల్సి ఉంటుందని ఏఐబీఏ స్పష్టం చేసింది.
ఈ బాక్సింగ్ పోటీలు.. భారత్లో తొలిసారి జరగాల్సి ఉంది. అయితే రుసుము చెల్లించకపోవడం వల్ల సెర్బియాలోని బెల్గ్రేడ్ నగరం ఈ పోటీలను నిర్వహించనుంది. పురుషుల ప్రపంచ బాక్సింగ్ ఛాంపియన్షిప్ను నిర్వహించేందుకు సెర్బియాకు అన్ని అర్హతలు ఉన్నాయని ఏఐబీఏ పేర్కొంది. అథ్లెట్లు, కోచ్లు, అధికారులు, బాక్సింగ్ అభిమానులకు సెర్బియా మంచి జ్ఞాపకాలను ఇస్తుందని ఆశాభావం వ్యక్తం చేసింది.
ఇదీ చూడండి:- ఆ క్రికెటర్ పెళ్లికి 3 విమానాలు మారి వచ్చిన ధోనీ
