తన పెళ్లి కోసం ధోనీ, మూడు విమానాలు మారి వచ్చాడనే ఆసక్తికర విషయాన్ని వెల్లడించాడు భారత క్రికెటర్ మన్దీప్ సింగ్. దీనితో పాటే ఎముకలు కొరికే చలిలో రెండు గంటలపాటు డ్రైవ్ చేసుకుని వచ్చాడని అన్నాడు. అదే విధంగా మహీతో పాటు పంచుకున్న డ్రెస్సింగ్ రూమ్ అనుభవాలను వెల్లడించాడు.
"నేను పెళ్లి కార్డు ఇచ్చినప్పుడు, వివాహానికి హాజరవుతానని ధోనీ స్పష్టంగా చెప్పలేదు. ఆ సమయంలో న్యూయార్క్ వెళ్లాల్సి ఉంటుందని అన్నాడు. కానీ అనూహ్యంగా నా పెళ్లికి వచ్చి, నన్ను ఆశ్చరపరిచాడు. జీవితంలో అది మరిచిపోలేని సంఘటన. అయితే మా దగ్గరకు వచ్చేందుకు.. రాంచీ నుంచి దిల్లీకి, అక్కడి నుంచి అమృత్సర్కు మూడు విమానాలు మారి వచ్చాడు. తీవ్రమైన చలిలో రెండు గంటలపాటు డ్రైవ్చేసిన మహీ, వేదిక వద్దకు చేరుకున్నాడు" -మన్దీప్ సింగ్, భారత క్రికెటర్
2016లో జింబాబ్వే పర్యటనకు ఎంపికైన మన్దీప్.. ఆ సమయంలో ధోనీతో బాగా స్నేహంగా ఉండేవాడినని చెప్పాడు. ఇద్దరం కలిసి భోజనం చేయడం, ప్లే స్టేషన్ ఆడటం చేసేవారమని అన్నాడు.
