ఫ్రెంచ్ ఓపెన్ టోర్నీ.. మహిళల డబుల్స్ ఫైనల్స్లో ఫ్రాన్స్కు చెందిన కరోలీన్ గార్సియా-క్రిస్టీనా మ్లడానొవిచ్ల జోడీ విజేతగా నిలిచింది. అమెరికాకు చెందిన జెస్సికా పెగులా -కోకో గాఫ్ల జోడితో పోరాడిన గార్సియా-క్రిస్టీనా ద్వయం 2-6, 6-3, 6-2 తేడాతో గెలుపొందింది. మొదటి సెట్లో తడబడిన ఈ ఫ్రెంచ్ ప్లేయర్స్.. తర్వాత రెండు సెట్లలో పుంజుకున్నారు. సొంతగడ్డపై జరిగిన ఈ టోర్నీలో ఘన విజయం సాధించారు.
మరోవైపు మహిళల సింగిల్స్ కేటగిరిలో శనివారం జరిగిన ఫైనల్స్లో ప్రపంచ నెం.1 ఇగా స్వైటెక్‌ మరోసారి విజేతగా నిలిచింది. పోలెండ్‌కు చెందిన స్వైటెక్‌.. ఫైనల్‌ పోరులో అమెరికాకు చెందిన కోకో గాఫ్‌పై సునాయాసంగా గెలుపొందింది. 6-1, 6-3 తేడాతో వరుస సెట్లలో ఘన విజయం సాధించింది. ఫోర్‌ హ్యాండ్‌, బ్యాక్‌ హ్యాండ్‌ షాట్లతో విరుచుకుపడుతూ.. ఆట ప్రారంభం నుంచి ఆధిపత్యం చెలాయించిన స్వైటెక్‌ ఈ పోరును కేవలం 70 నిమిషాల్లోనే ముగించడం విశేషం.
