భారత మహిళా వెయిట్ లిఫ్టర్ సంజిత చానుపై ఉన్న డోపింగ్ మచ్చ తొలిగిపోయింది. దీంతో ఆమెకు నిలిపివేసిన 2018 నాటి అర్జున అవార్డును త్వరలోనే ప్రదానం చేయనున్నట్లు క్రీడా మంత్రిత్వ శాఖ స్పష్టం చేసింది. దిల్లీ కోర్టు తీర్పు మేరకు ఈ నిర్ణయాన్ని తీసుకున్నట్లు తెలిపింది.
"సంజిత చానుపై ఉన్న డోపింగ్ ఆరోపణలను ఐడబ్ల్యూఎఫ్ ఉపసంహరించుకుంది. అందువల్ల 2018 దిల్లీ హైకోర్టు తీర్పు ప్రకారం సంజితకు అర్జున అవార్డు ప్రదానం చేస్తాం."
-క్రీడా మంత్రిత్వ శాఖ.
క్వీన్స్లాండ్లోని గోల్డ్కోస్ట్లో జరిగిన 2018 కామన్వెల్త్ క్రీడల్లో.. మహిళల 53 కిలోల విభాగంలో స్వర్ణ పథకం సాధించింది చాను. అదే ఏడాది డోపింగ్ ఆరోపణలతో మే 15న ఆమెపై తాత్కాలిక సస్పెషన్ పడింది. ప్రస్తుత ఆమెపై ఉన్న నిషేధాన్ని తొలగించిన కారణంగా అర్జున్ అవార్డును అందజేయనున్నట్లు క్రీడా మంత్రిత్వ శాఖ తెలిపింది.
ఇది చూడండి : ధోనీ ముఖ్య అతిథిగా భారత ఆర్చర్ల పెళ్లి
