ఒలింపిక్స్ అర్హత టోర్నీలో పాల్గొనే అవకాశం కోసం హైదరబాదీ యువ బాక్సర్ నిఖత్ జరీన్.. స్టార్ బాక్సర్ మేరీకోమ్ మధ్య గతేడాది గట్టి వివాదమే జరిగింది. ఈ సమస్యను పరిష్కరించేందుకు వీరిద్దరి మధ్య 51 కేజీల విభాగంలో సెలక్షన్ ట్రయల్స్ను నిర్వహించింది భారత బాక్సింగ్ సమాఖ్య. ఇందులో మేరీకోమ్ విజేతగా నిలిచి ఒలింపిక్స్ బెర్త్ ఖరారు చేసుకుంది. అయితే తాజాగా ఈ విషయంపై మాట్లాడింది నిఖత్. తనకు మేరీకోమ్పై ఎలాంటి కోపం లేదని చెప్పింది.
"నిజానికి నేను ఎవరితో గొడవ పడాలని, వివాదాన్ని పెద్దది చేయాలని అనుకోలేదు. ఒలింపిక్స్ అర్హత పోటీల్లో పాల్గొనేందుకు నేను అర్హురాలని భావించాను. అందుకోసం ట్రయల్స్ నిర్వహించాలని పోరాడాను. నాకు ఎవరిపైనా కోపం లేదు."
-నిఖత్ జరీన్, బాక్సర్.
టోక్యో ఒలింపిక్స్కు మేరీకోమ్ అర్హత సాధించడం తనకు ఎంతో సంతోషంగా ఉందని చెప్పింది నిఖత్. తాను బంగారు పతకాన్ని సాధించాలని ఆశిస్తున్నట్లు తెలిపింది.
ఇదీ చూడండి : 'ఇంటికి రంగులేశా.. అమ్మకు సాయం చేస్తున్నా'
