ఇస్తాంబుల్ టోర్నీలో నిఖత్​కు పతకం ఖాయం

భారత బాక్సర్, తెలుగమ్మాయి నిఖత్ జరీన్.. ఇస్తాంబుల్ బాస్పోరస్ బాక్సింగ్ టోర్నీలో పతకం ఖాయం చేసుకుంది. నేడు (గురువారం) సెమీఫైనల్ పోరులో తలపడనుంది.

భారత బాక్సర్‌, తెలుగమ్మాయి నిఖత్‌ జరీన్‌ ఇస్తాంబుల్‌ అంతర్జాతీయ బాక్సింగ్‌ టోర్నీలో పతకం ఖాయం చేసుకుంది. 2019 ప్రపంచ ఛాంపియన్‌ ఎకతెరీనా పత్సెవా (రష్యా)పై సంచలన విజయంతో సెమీఫైనల్లోకి దూసుకెళ్లింది.

బుధవారం జరిగిన 51 కేజీల ఫ్లై వెయిట్‌ క్వార్టర్‌ఫైనల్లో నిఖత్‌ 5-0తో ఎకతెరీనాను చిత్తుచేసి కనీసం కాంస్య పతకం ఖాయం చేసుకుంది. గురువారం నిఖత్‌ సెమీస్‌లో తలపడుతుంది.