రెజ్లింగ్​లో రెండోసారి అగ్రస్థానంలో భజరంగ్​

ప్రపంచ నంబర్ వన్​ ర్యాంకును మళ్లీ కైవసం చేసుకున్నాడు భారత రెజ్లర్ భజరంగ్ పూనియా. గత నవంబరులో తొలిసారి అగ్రస్థానానికి అందుకున్నాడు. ప్రస్తుతం చైనాలో జరగనున్న ఆసియన్ రెజ్లింగ్ ఛాంపియన్​షిప్​కు సన్నద్ధమవుతున్నాడు.

భారత రెజ్లర్ భజరంగ్​ పూనియా ప్రపంచ నంబర్ వన్​ ర్యాంకు కైవసం చేసుకున్నాడు. యునైటెడ్ వరల్డ్​ రెజ్లింగ్​ ప్రకటించిన తాజా ర్యాంకింగ్స్​లో రెండోసారి అగ్రస్థానానికి ఎగబాకాడు. గత నవంబర్​లో తొలిసారి నంబర్ వన్​ ర్యాంకు కైవసం చేసుకున్న పూనియా.. 65 కేజీల విభాగంలో ఈ ఘనత సాధించాడు.

ఆసియా, కామన్​వెల్త్​ క్రీడల్లో సత్తా చాటి.. బంగారు పతకాలను తన ఖాతాలో వేసుకున్నాడు భజరంగ్. గత ఏడాది జరిగిన ప్రపంచ రెజ్లింగ్ ఛాంపియన్​షిప్​లోనూ రజతం సాధించి 58 ర్యాంకింగ్​ పాయింట్లు తెచ్చుకున్నాడు.

ప్రస్తుతం భజరంగ్ ఏప్రిల్ 23 నుంచి చైనాలో జరగనున్న ఆసియన్ రెజ్లింగ్ ఛాంపియన్​షిప్​కు సన్నద్ధమవుతున్నాడు. గత నెలలో బల్గేరియాలో జరిగిన డాన్ కోలోవ్ - నికోలా పెట్రోవ్ టోర్నమెంటులో బంగారు పతకాన్ని గెలిచాడీ 25 ఏళ్ల రెజ్లర్.