Aditi swami archery : భారత యువ ఆర్చర్‌ అదితి స్వామి తన సత్తా ఏంటో చూపించింది. 17 ఏళ్లకే సీనియర్‌ ప్రపంచ ఛాంపియన్గా అవతరించింది. మొదటిసారి సీనియర్‌ ప్రపంచ ఆర్చరీ ఛాంపియన్‌షిప్‌ బరిలోకి దిగిన ఈ పాప.. ఈ ఘనతను దక్కించుకుంది. బెర్లిన్‌ వేదికగా శనివారం జరిగిన ప్రపంచ ఛాంపియన్‌షిప్‌ మహిళల వ్యక్తిగత కాంపౌండ్‌ ఫైనల్లో .. మెక్సికోకు చెందిన ఆండ్రియా బెకెర్రాపై ఆమె గెలిచింది. ఫలితంగా గోల్డ్ మెడల్ను ముద్దాడింది.
World archery championships 2023 : అంతకుముందు సెమీఫైనల్‌లో అదితి మంచి ప్రదర్శన చేసింది. ఈ పోరులో తన మెంటార్, భారత సీనియర్‌ ఆర్చర్‌ వెన్నెం జ్యోతి సురేఖను ఓడించింది. తద్వారా ఈమె ఫైనల్‌కు అర్హత సాధించింది. సెమీస్‌లో ఓడిపోయిన జ్యోతి సురేఖ.. మూడో స్థానం కోసం జరిగిన ప్లే ఆఫ్‌లో విజయం సాధించింది సిల్వర్ మెడల్ను అందుకుంది.
మహారాష్ట్రలోని సతారాకు చెందిన అమ్మాయి అదితి. ఈ ఏడాది మొత్తంగా ఈమె సూపర్‌ ఫామ్‌లో జోరు కొనసాసించింది. నెల రోజుల క్రితం మహిళల వ్యక్తిగత కాంపౌండ్‌లో అండర్‌-18 ప్రపంచ రికార్డును బ్రేక్ చేసింది.
జులైలో జరిగిన ప్రపంచ యూత్‌ ఆర్చరీ ఛాంపియన్‌షిప్‌లోనూ టీమ్, వ్యక్తిగత విభాగాల్లో రెండు గోల్డ్ మెడల్స్ను ముద్దాడింది. ఆ ఛాంపియన్‌షిప్‌లో గోల్డ్ మెడల్ సాధించిన మొదటి కాంపౌండ్‌ ఆర్చర్‌ ఈమెనే కావడం విశేషం. ఇప్పుడు సీనియర్‌ ప్రపంచ ఛాంపియన్గా నిలిచింది.
ఇకపోతే శుక్రవారం జరిగిన వరల్డ్ ఆర్చరీ ఛాంపియన్‌షిప్‌ కాంపౌండ్‌ ఉమెన్స్ టీమ్ విభాగంలో భారత్‌.. మొదటి గోల్డ్ మెడల్ను అందుకున్న సంగతి తెలిసిందే. ఈ పోటీల్లో జ్యోతి సురేఖ నేతృత్వం వహించిన టీమ్ పాల్గొంది. ఇందులో అదితి కూడా ఉంది. వరల్డ్ ఆర్చరీ ఛాంపియన్‌షిప్‌లో ఏ విభాగంలోనైనా దేశానికి ఇదే తొలి గోల్డ్ కావడం విశేషం. ఇప్పుడు తాజాగా వ్యక్తిగత విభాగంలోనూ అదితి అద్భుతంగా రాణించడం వల్ల భారత్‌ ఖాతాలో మరో గోల్డ్ మెడల్ వచ్చి చేరింది.
Australia Open Super 500 : ఫైనల్స్కు ప్రణయ్.. ఆ భారత షట్లర్ను ఓడించి..
Ind vs Wi T20 : రెండో టీ20కి టీమ్ఇండియా రె'ఢీ'.. వారిపై వేటు తప్పదా?
