నాలుగోసారి అజ్లాన్ షా హాకీ ఛాంపియన్ కప్ కొడదామన్న భారత హాకీ జట్టుకు ఈ ఏడాది జరిగిన టోర్నీలో చుక్కెదురైంది. ఓడిపోకుండా చివరి వరకు వెళ్లిన భారత జట్టుకు దక్షిణ కొరియా షాకిచ్చింది. షూటౌట్లో 4-2 తేడాతో విజయం సాధించిన కొరియన్ జట్టు కప్పు ఎగరేసుకుపోయింది.
- సిమ్రాన్‌జీత్‌ సింగ్‌ 9వ నిమిషంలో చేసిన గోల్‌తో ఆధిక్యంలోకి వెళ్లిన భారత్.... ఢిపెన్స్తో అదరగొట్టింది. 13 నిమిషాల్లో మ్యాచ్ ముగుస్తుందనే సమయానికి ప్రత్యర్థికి పెనాల్టీ ఇచ్చింది.
పెనాల్టీ గోల్...
పెనాల్టీ అవకాశాన్ని అందిపుచ్చుకున్న దక్షిణ కొరియా ఆటగాడు జంగ్ జోంగ్... గోల్ కొట్టాడు. స్కోరు 1-1తో సమమైంది. అనంతరం షూటౌట్ నిర్వహించారు.
కొంపముంచిన షూటౌట్...
షూటౌట్తో తొలుత ఆడిన భారత ఆటగాళ్లు... ఐదు అవకాశాల్లో రెండు గోల్స్ మాత్రమే చేశారు. ప్రత్యర్థి జట్టు దక్షిణ కొరియా నాలుగు గోల్స్ కొట్టి టైటిల్ ఎగరేసుకుపోయింది.
