ప్రముఖ ఫుట్బాల్ లీగ్ లా లిగా టైటిల్ విజేతగా నిలిచింది రియల్ మాడ్రిడ్. సొంత మైదానంలో విల్లేరియల్పై జరిగిన ఫైనల్లో 2-1తేడాతో గెలుపొందింది. ఇంకొక మ్యాచ్ మిగిలుండగానే టైటిల్ కైవసం చేసుకుంది. రియల్ మాడ్రిడ్కు ఇది 34వ లా లిగా టైటిల్. బార్సిలోనా 26 టైటిళ్లతో తర్వాతి స్థానంలో ఉంది.
వెటరన్ స్ట్రైకర్ కరీమ్ బెంజిమా ఫస్ట్ హాఫ్లో గోల్తో మాడ్రిడ్ను ఆధిక్యంలో నిలిపాడు. తర్వాత పెనాల్టీ షూట్తో ఆధిక్యాన్ని డబుల్ చేశాడు. విల్లేరియల్ ఆటగాడు మార్కో అసెన్సియో గోల్ చేసినా ఫలితం లేకపోయింది. ఆధిక్యాన్ని కాపాడుకోవడంలో సఫలమైన రియల్ మాడ్రిడ్ పాయింట్ల పట్టికలో బార్సిలోనా కంటే ఏడు పాయింట్లు ముందంజలో ఉండి టైటిల్ కైవసం చేసుకుంది.
సొంతమైదానంలో ఒసాసునా జట్టుపై ఓటమి పాలవడం వల్ల బార్సిలోనా టైటిల్ ఆశలు ఆవిరయ్యాయి. ఈ మ్యాచ్లో ఒసాసునా ఆటగాడు జోస్ అర్నేజ్ గోల్ చేయగా సెకండ్ హాఫ్లో మెస్సీ గోల్తో స్కోర్ను సమం చేశాడు. కానీ చివర్లో రాబర్టో టోరెస్ చేసిన గోల్ వల్ల బార్సిలోనా 2-1 తేడాతో ఓటమిపాలైంది.
