దిగ్గజ ఫుట్బాల్ ఆటగాడు లియోనాల్ మెస్సీ.. బార్సిలోనా ఫ్రాంచైజీతో చేసుకున్న ఒప్పందం విలువ ఎంతో తెలుసా? నాలుగు సీజన్లకు కలిపి రూ.4900 కోట్లు. ఓ క్రీడాకారుడు పొందిన అతిపెద్ద మొత్తం ఇదే. ఇందుకు సంబంధించిన విషయాలను తాజాగా స్పెయిన్కు చెందని ఎల్ ముండో అనే వార్త సంస్థ బయటపెట్టింది.
2017లో ప్రతి సీజన్కు రూ.12.21వందల కోట్లు చెల్లించడానికి బార్సిలోనాకు చెందిన కాటలన్ క్లబ్ అంగీకరించింది. ఈ కాంట్రాక్ట్ గడువు ఈ ఏడాది జూన్తో ముగియనుంది. తాజాగా మళ్లీ ఒప్పందం కుదుర్చుకోలేదు. సదరు మొత్తం నుంచి సగం డబ్బులు.. పన్నుల రూపంలో స్పెయిన్ ప్రభుత్వానికి.. మెస్సీ చెల్లించాడు.
గతేడాది క్లబ్తో వచ్చిన వివాదాల కారణంగా మెస్సీ జట్టును వీడాలనుకున్నాడు. దీంతో ఈ విషయం బయటకు పొక్కింది. ఇంకా ఐదు నెలల సమయం ఉన్నప్పటికీ.. మెస్సీకి ఇప్పటికే రూ.45వందల కోట్లకు పైగానే ముట్టినట్లు సమాచారం.
ఇదీ చదవండి: ఆసుపత్రి నుంచి గంగూలీ డిశ్చార్జి
