ప్రముఖ ఫుట్బాలర్ లియోనల్‌ మెస్సీ కొత్త ఒప్పందం కుదుర్చుకున్నట్లు తెలిసింది. బార్సిలోనా ఫుట్‌బాల్‌ క్లబ్‌కు ఇటీవల వీడ్కోలు పలికిన ఆయన.. పారిస్ సెయింట్ జర్మైన్ క్లబ్(పీఎస్జీ) కొత్త కాంట్రాక్ట్కు అంగీకారం తెలిపాడట. ఈ ఒప్పందం రెండేళ్ల పాటు కొనసాగనుంది. ఆ తర్వాత మరో ఏడాది పొడిగించుకునే అవకాశం కూడా పీఎస్జీ కల్పించినట్లు సమాచారం.
మెస్సీ కన్నీటి పర్యంతం..
సుదీర్ఘకాలం పాటు బార్సిలోనా ఫుట్‌బాల్‌ క్లబ్తో కొనసాగిన మెస్సీ.. వీడే క్రమంలో కన్నీటి పర్యంతమయ్యాడు. మెస్సీకి వీడ్కోలు పలికేందుకు ఆదివారం ఏర్పాటు చేసిన సమావేశంలో తాను కంటతడి పెట్టడమే కాకుండా చూస్తున్న వారినీ కన్నీళ్లు పెట్టించాడు. తన జీవితంలో అత్యంత బాధాకరమైన రోజుగా దీనిని అభివర్ణించాడు.
మెస్సీ.. స్పానిష్ క్లబ్ బార్సిలోనాతో మరో ఐదేళ్లపాటు కాంట్రాక్ట్ కుదుర్చుకోనున్నాడని గతంలో వార్తలు వచ్చాయి. అయితే.. స్పానిష్ లీగ్లోని ఆర్థిక నిబంధనల వల్ల మెస్సీతో కాంట్రాక్టు కొనసాగించలేకపోతున్నామని ఇటీవల బార్సిలోనా ఎఫ్సీ వెల్లడించింది.
ఇవీ చదవండి:
బార్సిలోనాతో ముగిసిన మెస్సీ బంధం
Lionel Messi: సాకర్ స్టార్ 'మెస్సీ' భావోద్వేగం.. కారణమిదే
