ZIM Afro T10 League 2023 Schedule : ఐపీఎల్ తరహాలో 'జిమ్ ఆఫ్రో టీ10 లీగ్' పేరుతో జింబాబ్వే వేదికగా సరికొత్త క్రికెట్ టోర్నమెంట్కు తెరలేవనుంది. జులై 20న ఈ లీగ్ ఫస్ట్ ఎడిషన్ అట్టహాసంగా ప్రారంభం కానుంది. జులై 29 వరకు ఈ టోర్నీ జరుగుతుంది. జింబాబ్వే క్రికెట్ బోర్డు, టీ టెన్ స్పోర్ట్స్ యాజమాన్యం సంయుక్తంగా ఈ క్రికెట్ లీగ్ను నిర్వహించబోతున్నాయి. ఈ రెండు మేనేజ్మెంట్ల ఆధ్వర్యంలోనే జింబాబ్వే టీ10 లీగ్ జరగనుంది.
ఐపీఎల్లా ఫ్రాంచైజీలు..
ZIM Afro T10 League 2023 Teams : మరోవైపు ఈ అతిపొట్టి ఫార్మాట్కు సంబంధించిన షెడ్యూల్ కూడా తాజాగా విడుదలైంది. దీని ప్రకారం ఇండియన్ ప్రీమియర్ లీగ్లో లాగానే ఇందులో కూడా ఫ్రాంచైజీలు ఉండనున్నాయి. ఈ లీగ్ తొలి సీజన్లో మొత్తం 5 ఫ్రాంచైజీలు పోటీ పడనున్నాయి. అవి.. బులవాయో బ్రేవ్స్‌, కేప్‌టౌన్‌ సాంప్‌ ఆర్మీ, డర్బన్‌ ఖలందర్స్‌, హరారే హరికేన్స్, జోబర్గ్‌ బఫెలోస్‌.
అన్ని మ్యాచులు అక్కడే..
ZIM Afro T10 League Venue : ఈ ఫ్రాంచైజీలు మొత్తం 24 మ్యాచుల్లో తలపడతాయి. ఈ లీగ్లో ఒక్కో టీమ్ ప్రత్యర్థి జట్టుతో రెండు సార్లు తలపడతాయి. జులై 29న ఫైనల్ మ్యాచ్ జరగనుంది. అచ్చం ఐపీఎల్ ఫార్మాట్లో ఉన్నట్లు ఈ లీగ్లో 20 రౌండ్‌ రాబిన్‌ మ్యాచ్‌లు, రెండు క్వాలిఫయర్లు, ఒక ఎలిమినేటర్‌ మ్యాచ్, చివరగా ఫైనల్ మ్యాచ్ జరుగుతుంది. ఈ మ్యాచులన్నింటికీ జింబాబ్వే రాజధాని హరారేలోని హరారే స్పోర్ట్స్ క్లబ్ వేదిక కానుంది.
10 ఓవర్లు.. 90 నిమిషాలు..
జులై 20న గురువారం సాయంత్రం 6 గంటలకు ఈ లీగ్ ఫస్ట్ ఎడిషన్ ఇనాగరేషన్ ఘనంగా ప్రారంభం కానుండగా.. మొదటి మ్యాచ్లో హరారే హరికేన్స్, బులవాయో బ్రేవ్స్‌ తలపడనున్నాయి. భారత కాలమానం ప్రకారం రాత్రి 10:30 నిమిషాలకు మ్యాచ్ మొదలవుతుంది. పేరుకు తగ్గాట్టుగానే ఈ లీగ్లో పది ఓవర్లు ఉంటాయి. ఒక్కో మ్యాచ్ 90 నిమిషాల పాటు జరుగుతుంది.
భారత్ నుంచి ఆరుగురు..
ZIM Afro T10 League Indian Players : అయితే ఈ ఏడాదే ప్రారంభం కానున్న ఈ నయా లీగ్లో మన భారత్కు చెందిన ఆరుగురు మాజీ ఆటగాళ్లు తమ సత్తా చాటేందుకు సిద్ధమయ్యారు. మాజీ ఆల్‌రౌండర్లు ఇర్ఫాన్‌ పఠాన్, యూసుఫ్ పఠాన్, మాజీ ఓపెనర్ రాబిన్‌ ఉతప్ప, మాజీ క్రికెటర్‌ పార్థివ్‌ పటేల్‌, మాజీ పేసర్‌ శ్రీశాంత్‌, వెటరన్‌ ఆల్‌రౌండర్‌ స్టువర్ట్‌ బిన్నీ ఆడనున్నారు.
ఈరోజు.. ఈ జట్లు.. ఈ సమయానికి..
- జులై 20: బులవాయో బ్రేవ్స్‌ X హరారే హరికేన్స్ (3:30)
- జులై 21: డర్బన్‌ ఖలందర్స్‌ X కేప్‌టౌన్‌ సాంప్‌ ఆర్మీ (11:30)
- జులై 21: బులవాయో బ్రేవ్స్‌ X జోబర్గ్‌ బఫెలోస్‌ (1:30)
- జులై 21: కేప్‌టౌన్‌ సాంప్‌ ఆర్మీ X హరారే హరికేన్స్ (3:30)
- జులై 22: జోబర్గ్‌ బఫెలోస్‌ X డర్బన్‌ ఖలందర్స్‌ (11:30)
- జులై 22: బులవాయో బ్రేవ్స్‌ X కేప్‌టౌన్‌ సాంప్‌ ఆర్మీ (1:30)
- జులై 22: హరారే హరికేన్స్ X జోబర్గ్‌ బఫెలోస్‌ (3:30)
- జులై 23: బులవాయో బ్రేవ్స్‌ X డర్బన్‌ ఖలందర్స్‌ (11:30)
- జులై 23: కేప్‌టౌన్‌ కాంప్‌ ఆర్మీ X జోబర్గ్‌ బఫెలోస్‌ (1:30)
- జులై 23: డర్బన్‌ ఖలందర్స్‌ X హరారే హరికేన్స్ (3:30)
- జులై 24: కేప్‌టౌన్‌ సాంప్‌ ఆర్మీ X బులవాయో బ్రేవ్స్‌ (1:30)
- జులై 24: జోబర్గ్‌ బఫెలోస్‌ X డర్బన్‌ ఖలందర్స్‌ (3:30)
- జులై 25: హరికేన్స్ టౌన్‌ X కేప్‌టౌన్‌ సాంప్‌ ఆర్మీ (11:30)
- జులై 25: డర్బన్‌ ఖలందర్స్‌ X బులవాయో బ్రేవ్స్‌ (1:30)
- జులై 25: జోబర్గ్‌ బఫెలోస్‌ X హరారే హరికేన్స్ (3:30)
- జులై 26: హరారే హరికేన్స్ X బులవాయో బ్రేవ్స్‌ (11:30)
- జులై 26: కేప్‌టౌన్‌ సాంప్‌ ఆర్మీ X డర్బన్‌ ఖలందర్స్‌ (1:30)
- జులై 26: జోబర్గ్‌ బఫెలోస్‌ X బులవాయో బ్రేవ్స్‌ (3:30)
- జులై 27: హరారే హరికేన్స్ X డర్బన్‌ ఖలందర్స్‌ (11:30)
- జులై 27: జోబర్గ్‌ బఫెలోస్‌ X కేప్‌టౌన్‌ సాంప్‌ ఆర్మీ (3:30)
- జులై 28: క్వాలిఫయర్‌ 1 (11:30)
- జులై 28: ఎలిమినేటర్‌ పోరు (1:30)
- జులై 28: క్వాలిఫయర్‌ 2 (3:30)
- జులై 29: ఫైనల్ ఫైట్ (1:30)
- ఇవీ చదవండి :
- 'లీగ్ మ్యాచుల్లో అద్భుతంగా ఆడతారు.. కానీ ఆ సమయానికి మాత్రం..'
- WI vs IND : సిరాజ్ దెబ్బ.. బ్లాక్వుడ్ అబ్బా.. గాల్లోకి ఎగిరి మరీ!
