World Cup 2023 Ambassador : ప్రపంచకప్​ గ్లోబల్ అంబాసిడర్​గా సచిన్​.. ఫుల్ ఖుషిలో తెందూల్కర్ ఫ్యాన్స్

World Cup 2023 Ambassador : 2023 ప్రపంచకప్​నకు భారత దిగ్గజం సచిన్ తెందూల్కర్​ను.. ఐసీసీ గ్లోబల్ అంబాసిడర్​గా నియమించింది. బుధవారం జరగనున్న ఓపెనింగ్ ఈవెంట్​లో సచిన్ పాల్గొననున్నారు.

World Cup 2023 Ambassador : 2023 వన్డే ప్రపంచకప్​ మరో రెండు రోజుల్లో ప్రారంభం కానుంది. ఈ క్రమంలో భారత దిగ్గజం, భారత రత్న సచిన్ తెందూల్కర్​ను ఈ మెగాటోర్నీకి గ్లోబల్ అంబాసిడర్​గా నియమిస్తున్నట్లు మంగళవారం ఐసీసీ ప్రకటించింది. ఇక అక్టోబర్ 4వ తేదీ బుధవారం అహ్మదాబాద్​లో జరగనున్న ఓపెనింగ్ ఈవెంట్​లో మాస్టర్ బ్లాస్టర్​ ట్రోఫీని ఆవిష్కరించనున్నారు.

ఈ గౌరవం అందుకున్న సచిన్.. " 1987లో బాల్​బాయ్​గా ఉన్న నేను, 6 వరల్డ్​కప్​ ఎడిషన్లలో భారత్​కు ప్రాతినిధ్యం వహించడం నాకు ఎప్పటికీ ప్రత్యేకమే. ఇక 2011లో భారత్.. విశ్వకప్​ విజేతగా నిలవడం నా క్రికెట్ కెరీర్​లో గర్వకారణం. ప్రపంచంలోని మేటి జట్లు ఈ మెగాటోర్నీలో పాల్గొనేందకు భారత్​కు వచ్చాయి. ఈ టోర్నీని చూసేందుకు ఉత్సాహంగా ఉన్నాను. అలాగే అనేక మంది యువకులను.. తమతమ దేశాలకు క్రీడల్లో ప్రాతినిధ్యం వహించేలా ఈ టోర్నీ ప్రేరేపిస్తుందని నమ్ముతున్నాను" అని అన్నారు.

మాస్టర్ బ్లాస్టర్​ను గ్లోబల్ అంబాసిడర్​గా నియమించిన ఐసీసీ.. టోర్నీని మరింత గ్రాండ్​గా మార్చడానికి మరికొంత మంది ఆటగాళ్లను అంబాసిడర్​లుగా ప్రకటించింది. వారిలో వెస్టిండీస్ దిగ్గజం వివ్ రిచర్డ్స్​, సౌతాఫ్రికా మాజీ ప్లేయర్ ఏబీ డివిలియర్స్, ఇంగ్లండ్ వరల్డ్​కప్ విన్నింగ్ కెప్టెన్ ఇయాన్ మోర్గాన్, ఆస్ట్రేలియా హిట్టర్ అరోన్ ఫించ్, శ్రీలంక దిగ్గజం ముత్తయ్య మురళీధరణ్, టీమ్ఇండియా బ్యాటర్ సురేశ్ రైనా, భారత మహిళల జట్టు మాజీ కెప్టెన్ మిథాలీ రాజ్, పాకిస్థాన్ ఆల్​రౌండర్​ మహమ్మద్ హఫీజ్​ ఉన్నారు.

ఈ వన్డే వరల్డ్​కప్​నకు గ్లోబల్ అంబాసిడర్​గా సచిన్​ను నియమించడం గౌరవంగా భావిస్తున్నాము. ఈ ఎడిషన్ పురుషుల ప్రపంచకప్​ అన్నింటిలోకెల్లా ప్రత్యేకంగా ఉంటుందని నమ్ముతున్నాము. తెందూల్కర్ సహా తొమ్మిది మంది దిగ్గజాలు అంబాసిడర్​లుగా ఉన్నారు. ఇక టోర్నమెంట్ ప్రారంభమయ్యే దాకా మేము వెయిట్ చేయలేము.

- ఐసీసీ మార్కెటింగ్, కమ్యూనికేషన్స్ జనరల్ మేనేజర్

అక్టోబర్ 5 నుంచి వరల్డ్​కప్​ హంగామా ప్రారంభం కానుంది. తొలి మ్యాచ్​లో డిఫెండింగ్ ఛాంపియన్ ఇంగ్లండ్.. 2019 రన్నరప్ న్యూజిలాండ్ పోటీపడనున్నాయి. ఎప్పటిలాగే ఈసారి కూడా టీమ్ఇండియా హాట్ ఫేవరెట్​గా బరిలోకి దిగుతోంది. ఇక భారత్.. అక్టోబర్ 8న ఆస్ట్రేలియాను ఢీకొట్టనుంది.

• The popular picks 🏏
  
  Will you follow the crowd and select one of these marquee players? Or will differentials lead the lineup in your #CWC23 @Dream11? 🤔
  
  Start building your team now 👉 https://t.co/wJVOV3Xsgv pic.twitter.com/f6BbjKEJMP

  — ICC (@ICC) October 3, 2023 " class="align-text-top noRightClick twitterSection" data="

  The popular picks 🏏
  
  Will you follow the crowd and select one of these marquee players? Or will differentials lead the lineup in your #CWC23 @Dream11? 🤔
  
  Start building your team now 👉 https://t.co/wJVOV3Xsgv pic.twitter.com/f6BbjKEJMP

  — ICC (@ICC) October 3, 2023

  ">

  The popular picks 🏏
  
  Will you follow the crowd and select one of these marquee players? Or will differentials lead the lineup in your #CWC23 @Dream11? 🤔
  
  Start building your team now 👉 https://t.co/wJVOV3Xsgv pic.twitter.com/f6BbjKEJMP

  — ICC (@ICC) October 3, 2023