Worldcup 2022 IND VS WI: ఐసీసీ మహిళల వన్డే ప్రపంచకప్‌లో భాగంగా వెస్టిండీస్తో జరుగుతోన్న మ్యాచ్లో టీమ్ఇండియా అదరగొట్టింది. స్మృతి మంథాన(123) సెంచరీ, హర్మన్ప్రీత్ కౌర్(109) ధనాధన్ ఇన్నింగ్స్ తోడవ్వడం వల్ల.. నిర్ణీత 50ఓవర్లలో 8 వికెట్లు కోల్పోయి 317 పరుగులు చేసింది. యాస్తిక(31) పర్వాలేదనిపించగా మిగతా వారు విఫలమయ్యారు. కాగా, విండీస్ బౌలర్లలో అనిస మహమ్మద్ 2 వికెట్లు తీయగా.. షమిలియా, షకేరా, హేలే, దయేంద్ర, యాలియా చెరో వికెట్ పడగొట్టారు.
మిథాలీరాజ్ రికార్డు..
ఈ మ్యాచ్తో కెప్టెన్ మిథాలీ రాజ్ ఓ రికార్డు సృష్టించింది. మహిళల క్రికెట్ ప్రపంచకప్‌లో అత్యధిక మ్యాచ్‌లకు సారథ్యం వహించిన కెప్టెన్గా నిలిచింది. ప్రపంచకప్‌ చరిత్రలో అత్యధిక మ్యాచ్‌లకు కెప్టెన్గా వ్యవహరించిన ఆస్ట్రేలియా లెజెండ్ బెలిండా క్లార్క్‌ను మిథాలీ అధిగమించింది. వరల్డ్కప్ ఆరు ఎడిషన్లలోనూ పాల్గొన్న మహిళా క్రికెటర్‌గా మిథాలీ మరో రికార్టును తన ఖాతాలో వేసుకుంది.
ఇదీ చదవండి: పింక్ టెస్ట్.. శ్రీలంకతో పోరుకు టీమ్ఇండియా రెడీ!
