Software Engineer Turns Into thief in Hyderabad : అతడు ఓ ఐటీ సంస్థలో సాఫ్ట్వేర్ ఉద్యోగి. నగరంలో సొంతిల్లు నెలకు రూ.1.10 లక్షల జీతం. విలాసాల కోసం పక్కదారి పట్టాడు. డబ్బుల కోసం సహోద్యోగి ఇంట్లోనే దోపిడీ చేశాడు. ఒంటరిగా ఉన్న గృహిణిపై కత్తితో దాడి చేసి చేతికి ఉన్న బంగారు గాజులతో ఉడాయించాడు. చివరికీ పోలీసులకు చిక్కి రిమాండ్కు తరలించారు. ఈ ఘటన హైదరాబాద్లోని మాదాపూర్ పోలీస్ స్టేషన్ పరిధిలో జరిగింది.
పోలీసులు తెలిపిన వివరాల ప్రకారం, ఖాజీపేటవాసి కళాహస్తి హరీశ్‌కృష్ణ గచ్చిబౌలిలోని ఓ కంపెనీలో ఐటీ ఉద్యోగిగా పనిచేస్తున్నాడు. గాజులరామారం ప్రాంతంలో నివాసం ఉన్నాడు. భార్యతో విడాకులు తీసుకుని ఒంటరిగా ఉన్నాడు. బెట్టింగులు, జల్సాలకు అలవాటు పడి వారి వద్దా వీరివద్దా అప్పులు చేశాడు. వచ్చేటువంటి జీతం జల్సాలకు, అప్పులకు సరిపోక చోరీలు పాల్పడుతున్నాడు.
వాట్సాప్ గ్రూప్లో సమాచారంతో : వాట్సాప్ గ్రూప్లో సమాచారంతో తన కంపెనీలోని ఉద్యోగి కేవీ. మణికంఠతో హరీశ్‌కృష్ణకు పరిచయం ఏర్పడింది. వీరిద్దరు మిగిలిన ఉద్యోగులతో కలిసి ఖాళీ సమయాల్లో క్రికెట్‌ ఆడేవారు. ఈ ఆటగాళ్లందరికీ ఒక వాట్సాప్ గ్రూప్ ఉంది. ఈక్రమంలోనే మాదాపూర్ చంద్రానాయక్‌ తండాలో ఉన్న మణికంఠ అనే వ్యక్తి ఇంటికి హరీశ్‌కృష్ణ పలుసార్లు వెళ్లాడు. డబ్బు కోసం మణికంఠ ఇంట్లో చోరీ చేయాలని నిర్ణయించుకున్నాడు. వాట్సాప్ గ్రూప్లో చాటింగ్‌ ద్వారా ఈనెల 25వ తేదీన మణికంఠ ఇంట్లో ఉండటం లేదని తెలుసుకుని హరీశ్‌కృష్ణ ఉదయం 11.15 గంటలకు ముఖానికి ముసుగు, తలకు హెల్మెట్‌ ధరించి ఇంట్లోకి వెళ్లి 18 నెలల పాపతో ఉన్న మణికంఠ భార్యకు కత్తిని చూపి ఒంటిపై ఉన్న నగలివ్వకుంటే చంపేస్తానంటూ బెదిరించాడు.
నిందితుడుని రిమాండ్కు తరలింపు : ఆమె ప్రతిఘటించే క్రమంలో ఆమె చేతికి కత్తి గాయమైంది. ఇదే అదునుగా ఆమె చేతి గాజులు లాక్కొని నిందితుడు పారిపోయాడు. కాగా ఈ విషయంపై అదే రోజు మణికంఠ పోలీసులకు ఫిర్యాదు చేశారు. రంగలోకి దిగిన పోలీసులు తమ దర్యాప్తులో భాగంగా హరీశ్‌కృష్ణపై అనుమానం రాగా అదుపులోకి తీసుకొని సెల్ఫోన్ను పరిశీలించగా గాజులను ఓ దుకాణంలో విక్రయించినట్లు రసీదు సెల్ఫోన్‌లో కనిపించింది. దీంతో నిందితుడిని అరెస్టు చేసి 20 గ్రాముల గాజులు, దోపిడీకి ఉపయోగించిన బైక్, కత్తి, ఒక సెల్ఫోన్ను స్వాధీనం చేసుకొని రిమాండ్కు తరలించారు.
మద్యం మత్తులో చోరీ - తప్పించుకునేందుకు ఫ్లైఓవర్పై నుంచి దూకిన దొంగ
