ఈ ఐపీఎల్లో నిలకడగ రాణిస్తున్న మనీష్ పాండేను ఆదివారం దిల్లీతో జరిగిన మ్యాచ్లో పక్కనపెట్టి అతడి స్థానంలో విరాట్ సింగ్ను తీసుకున్నారు. దీనిపై స్పందించిన సన్రైజర్స్ హైదరాబాద్ సారథి డేవిడ్ వార్నర్.. సెలక్టర్లను పరోక్షంగా విమర్శించాడు. అతడిని తీసుకోకపోవడం తన దృష్టిలో కఠిన నిర్ణయమని చెప్పాడు.
"ఎవరిని తీసుకోవాలనేది సెలక్టరపై ఆధారపడి ఉంటుంది. కానీ మనీష్ను పక్కనపెట్టడం నా దృష్టిలో కఠినమైన నిర్ణయం. అలాగని విరాట్ను తీసిపారేయలేం. అతడు కూడా మంచి ఆటగాడు. కానీ పిచ్ కొంచెం కఠినంగా ఉంది. ఇక దిల్లీ బౌలర్లు అద్భుతంగా బౌలింగ్ చేశారు. వారిని మేము సవాల్గా ఎదుర్కొన్నాం" అని అన్నాడు.
చెపాక్ వేదికగా జరిగిన దిల్లీ- హైదరాబాద్ మ్యాచ్ సూపర్ ఓవర్కు దారి తీసింది. ఈ ఓవర్లో మొదట బ్యాటింగ్‌ చేసిన హైదరాబాద్ 7 పరుగులే చేయగా అనంతరం దిల్లీ ఆ లక్ష్యాన్ని ఛేదించింది. ఈ సీజన్‌లో ఇదే తొలి సూపర్ ఓవర్ కావడం విశేషం.
