Wanindu Hasaranga on Kohli: శ్రీలంక స్పిన్నర్ వానిందు హసరంగ లంక ప్రీమియర్ లీగ్లో సత్తాచాటుతున్నాడు. మూడు మ్యాచ్ల్లోనే ఐదు వికెట్లు తీశాడు. టీ20 ప్రపంచకప్లోనూ అత్యధిక వికెట్లు తీసిన బౌలర్గా నిలిచాడు హసరంగ. అయితే.. టీమ్ఇండియా సారథి విరాట్ కోహ్లీ వికెట్ తీయడమే తన లక్ష్యమని చెబుతున్నాడు వరల్డ్ టీ20 నంబర్ వన్ బౌలర్.
"నా ఫేవరేట్ క్రికెటర్ విరాట్ కోహ్లీ వికెట్ పడగొట్టాలనేదే నా ఆశ. పాకిస్థాన్ ఆటగాడు బాబర్ ఆజామ్, ఆస్ట్రేలియా ఆల్రౌండర్ గ్లెన్ మ్యాక్స్వెల్ వికెట్ కూడా తీయాలని నేను ఆశిస్తున్నా."
--వానిందు హసరంగ, శ్రీలంక క్రికెటర్.
జట్టు తరఫున ఆడిన ప్రతిసారి వికెట్లు తీయాలనే కసితో ఆడుతానని చెప్పాడు హసరంగ. జాతీయ జట్టుకు ఆడిన ప్రతిసారి ఉత్తమ ప్రదర్శన చేస్తానని పేర్కొన్నాడు. ముత్తయ్య మురళీధరన్, రంగన హెరాత్లా కాకుండా హసరంగగానే చరిత్రలో నిలిచిపోవాలనేది అతడి కోరిక అని అన్నాడు.
టీ20 మ్యాచ్ దిశను మార్చే సత్తా లెగ్ స్పిన్నర్లకు ఉంటుందని హసరంగ అన్నాడు.
ఇదీ చదవండి:
