Kohli Record: దక్షిణాఫ్రికా గడ్డపై తొలిసారి టెస్టు సిరీస్ విజేతగా నిలవాలని ఉవ్విళ్లూరుతోంది టీమ్ఇండియా. ఇప్పటికీ సిరీస్ 1-1 తేడాతో సమం కాగా.. మూడో టెస్టులో గెలిచి ఈ ఘనత సాధించాలన్న పట్టుదలతో ఉంది. గాయం కారణంగా రెండో టెస్టుకు దూరమైన విరాట్ కోహ్లీ ఈ మ్యాచ్కు అందుబాటులోకి రానున్నాడు. దీంతో భారత బ్యాటింగ్ ఆర్డర్ మరింత బలంగా మారనుంది. ఈ క్రమంలోనే ఈ మ్యాచ్ ద్వారా ఓ రికార్డు కైవసం చేసుకోవాలని ఎదురుచూస్తున్నాడు కోహ్లీ. ఆ రికార్డేంటంటే!
సౌతాఫ్రికా పిచ్లపై టెస్టుల్లో ద్రవిడ్ 22 ఇన్నింగ్స్ల్లో 624 పరుగులు చేశాడు. సగటు 29.71గా ఉంది. ప్రస్తుతం కెప్టెన్గా ఉన్న విరాట్.. ఇక్కడి పిచ్లపై 11 ఇన్నింగ్స్ల్లో 611 పరుగులు సాధించాడు. ఇక ఈ ఆఖరి టెస్టులో మరో 14 పరుగులు సాధిస్తే.. సఫారీ గడ్డపై టెస్టుల్లో ఎక్కువ పరుగులు సాధించిన భారత బ్యాటర్ల జాబితాలో కోహ్లీ.. ద్రవిడ్ను దాటి రెండో స్థానానికి చేరతాడు. కానీ.. అగ్రస్థానానికి చేరడం మాత్రం కష్టమే. ఎందుకంటే బ్యాటింగ్ దిగ్గజం సచిన్.. సౌతాఫ్రికా పిచ్లపై 15 టెస్టులాడి 46.44 సగటుతో 1161 పరుగులు సాధించి ఎవరికీ అందనంత ఎత్తులో ఉన్నాడు. ఇందులో ఐదు సెంచరీలు, మూడు అర్ధశతకాలు ఉండటం విశేషం.
