మరో వారం రోజుల్లో ప్రారంభంకానున్న ఒలింపిక్స్‌ను(Tokyo Olympics) కరోనా మహమ్మారి బెడద వీడట్లేదు. గురువారం మరోమారు కరోనా కలకలం రేగింది. ఇప్పటికే పలు కేసులు నమోదవ్వగా.. ఇప్పుడు టోక్యో నగరంలో క్వారంటైన్లో ఉన్న మరో అథ్లెట్ సహా రష్యా రగ్బీ జట్టులోని ఐదుగురు సిబ్బందికి వైరస్ సోకింది. ఈ విషయాన్ని ఒలింపిక్ నిర్వహణ కమిటీ తెలిపింది.
అంతకుముందు బ్రెజిల్‌ ఒలింపిక్ జట్టు బస చేసిన హోటల్లో ఏడుగురు సిబ్బంది, కెన్యా మహిళ రగ్బీ జట్టులో ఎనిమిది మంది సభ్యులకు పాజిటివ్గా తేలింది.
సురక్షితంగా జరుగుతాయి
టోక్యోలో ప్రస్తుతం కరోనా కేసులు రికార్డుస్థాయిలో నమోదవుతున్నాయి. గురువారం(జులై 15) కేసులు సంఖ్య ఆరు నెలల గరిష్ఠానికి చేరుకుంది. ఈ నేపథ్యంలో మెగాక్రీడలు జరుగుతాయో లేదో అని అనుమానాలు తలెత్తుతున్నాయి. అయితే విశ్వక్రీడలు, కరోనా జాగ్రత్తల నడుమ సురక్షితంగా జరుగుతాయని అంతర్జాతీయ ఒలింపిక్ కమిటీ అధ్యక్షుడు థామస్ బాచ్ ధీమా వ్యక్తం చేశారు.
ఇదీ చూడండి: Tokyo Olympics: బ్రెజిల్‌ జట్టు హోటల్లో కరోనా కలకలం
