Rahul Dravid corona negative ఆసియాకప్లో భాగంగా టీమ్ఇండియా తన తొలి మ్యాచ్ను ఆదివారం సాయంత్రం చిరకాల ప్రత్యర్థి పాకిస్థాన్తో తలపడనుంది. అయితే ఈ మ్యాచ్కు ముందు భారత క్రికెట్ అభిమానులకు ఓ గుడ్న్యూస్. కరోనా బారిన పడిన టీమ్ఇండియా ప్రధాన కోచ్ రాహుల్ ద్రవిడ్ కోలుకున్నాడట. తాజాగా చేసిన పరీక్షల్లో అతడికి నెగటివ్ వచ్చినట్లు తెలిసింది. ఈ విషయాన్ని క్రికెట్ వర్గాలు తెలిపాయి. అతడు ఇప్పటికే ఈ ఆసియా కప్ కోసం దుబాయ్ కూడా చేరుకుని జట్టులో కలిశాడని వెల్లడించాయి. ప్రాక్టీస్ సెషన్కు కూడా హాజరైనట్లు చెప్పాయి. మొదటగా ద్రవిడ్ గైర్హాజరీ కారణంగా తాత్కాలిక కోచ్గా వీవీఎస్ లక్ష్మణ్ను ఎంపిక చేశారు. ప్రస్తుతం అతడు జట్టుతోనే ఉన్నాడు. పాక్తో మ్యాచ్ ముగిశాక అతడు వెనక్కి వచ్చే అవకాశం ఉంది.
ఇక ప్రపంచవ్యాప్తంగా అభిమానులు ఎదురు చూసే భారత్, పాక్ పోరు ఈ ఆసియా కప్‌నకే ప్రత్యేక ఆకర్షణగా నిలుస్తుంది. ఈ సారి చిరకాల ప్రత్యర్థులు మొత్తంగా మూడు మ్యాచ్‌ల్లో పోటీపడే అవకాశం ఉంది. మొదట గ్రూప్‌ దశలో నేడు(ఆదివారం) ఈ ఇరు జట్లు తమ తొలి మ్యాచ్ ఆడనున్నాయి. ఈ మ్యాచ్లో గెలవాలని రెండు టీమ్స్ పట్లుదలతో ఉన్నాయి. అలాగే టీమ్ఇండియా మాజీ కెప్టెన్ కోహ్లీ ఈ మ్యాచ్తో ఫామ్లోకి రావాలని అభిమానులు ఆశిస్తున్నారు. అతడు సెంచరీ చేయాలని ఎంతో ఆశగా ఎదురుచూస్తున్నారు. ఇక ఈ మ్యాచ్ కోహ్లీకి ఎంతో స్పెషల్. అతడికి 100వ టీ20 మ్యాచ్.
కాగా, ఆసియా కప్లో భాగంగా శనివారం జరిగిన తొలి మ్యాచ్ ఏకపక్షంగా సాగింది. ఐదుసార్లు ఆసియా కప్ ఛాంపియన్‌ అయిన శ్రీలంకకు ప్రారంభ మ్యాచ్లో ఆఫ్గానిస్థాన్‌ షాకిచ్చింది. శ్రీలంకపై అన్ని రంగాల్లో ఆధిపత్యం చెలాయించింది. తొలుత బౌలింగ్లో లంకను 105కే కట్టడి చేసిన అఫ్గాన్.. అనంతరం ఛేదనలో రికార్డు వేగంతో పని పూర్తి చేసింది. కేవలం 10.1 ఓవర్లలోనే ఇన్నింగ్స్ ముగించింది. ఎనిమిది వికెట్లు కోల్పోయి లక్ష్యాన్ని ఛేదించింది.
ఇదీ చూడండి: భారత్ పాక్ మ్యాచ్, అందరి దృష్టి పరుగుల వీరుడు కోహ్లీ పైనే
