టీ20 ప్రపంచకప్ (t20 world cup 2021) అర్హత పోటీలు పూర్తయ్యాయి. గ్రూప్‌-ఏలో బంగ్లాదేశ్‌, శ్రీలంక జట్లు అర్హత సాధించగా.. గ్రూప్‌-బీ నుంచి స్కాట్లాండ్, నమీబియా జట్లు సూపర్-12 దశకు చేరుకున్నాయి. దీంతో శనివారం (అక్టోబర్ 23) నుంచి ప్రధాన మ్యాచ్లు ప్రారంభం కానున్నాయి. ఈ క్రమంలోనే టీమ్ఇండియా ఈ మెగా ఈవెంట్‌లో ఏ రోజు ఏయే జట్టుతో పోటీపడనుందో స్పష్టత వచ్చింది.
తొలుత ఆదివారం చిరకాల ప్రాత్యర్థి పాకిస్థాన్‌తో తొలి మ్యాచ్‌లో కోహ్లీసేన ఢీకొననుంది. ఆ తర్వాత ఈనెల 31న న్యూజిలాండ్‌తో, నవంబర్‌ 3న అఫ్గానిస్థాన్‌తో, 5న స్కాట్లాండ్‌తో, 8న నమీబియాతో తలపడనుంది. ఇక తొలి సెమీఫైనల్‌ 10వ తేదీన, రెండో సమీస్‌ 11న, ఫైనల్‌ 14న జరగనున్నాయి. అయితే, టీమ్ఇండియా సూపర్-12లో పాక్, న్యూజిలాండ్‌ జట్లను ఓడిస్తే కచ్చితంగా సెమీస్‌ చేరే అవకాశం ఉంటుంది. ప్రపంచకప్ పూర్తి షెడ్యూల్ (t20 world cup 2021 team india schedule) ఇక్కడ చూడండి.
