ICC rankings t20: కోహ్లీ మళ్లీ అదే స్థానంలో.. మెరుగైన వార్నర్

అంతర్జాతీయ క్రికెట్ కౌన్సిల్​ బుధవారం(నవంబర్​ 17) టీ20 ర్యాంకింగ్స్​ను(ICC T20 Rankings 2021) ప్రకటించింది. ఇందులో టీమ్​ఇండియా సారథి విరాట్ కోహ్లీ(Virat Kohli News) యథావిధిగా ఎనిమిదో స్థానంలో నిలవగా.. ఓపెనర్​ కేఎల్​ రాహుల్​ ఒక స్థానం దిగజారి 6వ ర్యాంకులో ఉన్నాడు. ఆస్ట్రేలియా బ్యాట్స్​మన్​ డేవిడ్​ వార్నర్​ తన ర్యాంకును మెరుగుపరచుకున్నాడు.

ఐసీసీ బుధవారం(నవంబర్​ 17) టీ20 ర్యాంకింగ్స్​ను(ICC T20 Rankings 2021) విడుదల చేసింది. టీమ్​ఇండియా సారథి విరాట్ కోహ్లీ మళ్లీ ఎనిమిదో స్థానంలో కొనసాగుతుండగా, పాకిస్థాన్​ కెప్టెన్​ బాబర్​ అజామ్​ కూడా అగ్రస్థానంలోనే ఉన్నాడు. రాహుల్​ ఒక స్థానం దిగజారి ఆరో ర్యాంకులో నిలిచాడు. ఇక టీ20 ప్రపంచకప్ ట్రోఫీని​ ముద్దాడిన ఆస్ట్రేలియా జట్టులో కీలకంగా వ్యవహరించిన డేవిడ్​ వార్నర్​ ఏకంగా ఎనిమిది స్థానాలను ఎగబాకి 33వ ర్యాంకుకు చేరుకున్నాడు.

ఐసీసీ టీ20 ర్యాంకింగ్స్​

బౌలింగ్​ విభాగంలో టాప్​-10లో భారత క్రికెటర్లు ఎవరూ చోటు దక్కించుకోలేదు. అయితే ఆస్ట్రేలియా ఆటగాడు అడం జంపా రెండు ర్యాంకులు ముందుకు జరిగి మూడో స్థానంలో నిలివగా.. అగ్రస్థానంలో శ్రీలంక ప్లేయర్​ వానిందు హసరంగ ఉన్నాడు.

ఐసీసీ టీ20 ర్యాంకింగ్స్​

ఆల్​రౌండర్​ విభాగంలోనూ టీమ్​ఇండియా ఆటగాళ్లు లేరు. ఇంగ్లాండ్​ క్రికెటర్​ లియామ్​ లివింగ్​స్టోన్​ ఏడు స్థానాలను మెరుగుపరచుకుని మూడో ర్యాంకుకు చేరుకున్నాడు. తొలి రెండు స్థానాల్లో మహ్మద్​ నబి(అఫ్గానిస్థాన్​) , షకీబ్​ అల్​ హాసన్(బంగ్లాదేశ్​)​ ఉన్నారు.

ఐసీసీ టీ20 ర్యాంకింగ్స్​

ఇదీ చదవండి:IND vs NZ: భారత్​తో టీ20 సిరీస్​కు కివీస్​ స్టార్ పేసర్ దూరం