భారత మహిళల జట్టు క్రికెటర్ స్మృతి మంధాన.. 2022 ఫిబ్రవరి నుంచి విరామం లేకుండా మ్యాచ్లు ఆడుతోంది. ఫిబ్రవరిలో ఇండియా-న్యూజిలాండ్ ద్వైపాక్షిక టోర్నమెంట్లో, ఆ తర్వాత వన్డే వరల్డ్ కప్లో ఆడింది. అనంతరం కామన్వెల్త్ గేమ్స్లోనూ పాల్గొంది. మళ్లీ ఇప్పుడు ఇంగ్లాండ్తో ద్వైపాక్షిక సిరీస్ ఆడుతోంది. అయితే.. ఆస్ట్రేలియాలో జరిగే టీ20 టోర్నమెంట్ బిగ్బాష్ లీగ్ నుంచి ఆమె తప్పుకునే అవకాశం ఉంది. ఈ విషయాన్ని స్వయంగా స్మృతి మంధాన వెల్లడించింది.
"మానసికంగా కాకున్నా.. ఫిజికల్గా ఒత్తిడి లేకుండా మేనేజ్ చేసుకోవడం కూడా ముఖ్యమే. బిగ్బాష్ లీగ్ నుంచి బయటకు రావాలనుకుంటున్నాను. ఎందుకంటే నేను భారత జట్టు ఆడే అంతర్జాతీయ మ్యాచ్లు మిస్ కాదలచుకోలేదు. నేను భారత జట్టు తరఫున ఆడినపుడు.. నా నుంచి 100 శాతం ప్రదర్శన ఇవ్వాలనుకుంటాను" అని చెప్పుకొచ్చింది.
అయితే బిగ్బాష్ లీగ్ అక్టోబర్ 13న ప్రారంభం కానుంది. ఈ టోర్నమెంట్ నవంబర్ చివరి వరకు సాగుతుంది. ఇప్పుడు జరుగుతున్న ఇంగ్లాడ్ సిరీస్ ఈ నెల 24న ముగియనుంది. దాని తర్వాత అక్టోబర్ 1 నుంచి 16 వరకు జరగనున్న ఆసియా కప్ కోసం బంగ్లాదేశ్కు వెళ్లనుంది. ఆ తర్వాత డిసెంబర్, జవవరి, ఫిబ్రవరి దాకా భారత్కు వివిధ టోర్నమెంట్లు ఉన్నాయి. అయితే ఈ బిగ్బాష్ డొమెస్టిక్ టోర్నమెంట్ ఆడితే తనపై మరింత ఒత్తిడి పెరుగుతుందని చెబుతోంది స్మృతి. దానికోసం బిగ్బాష్ లీగ్ నుంచి విశ్రాంతి తీసుకోవాలని స్మృతి మంధాన భావిస్తోంది. అలా అయితే.. తర్వాత జరగనున్న వరుస మ్యాచ్ల్లో తనపై భారం తగ్గుతుందని ఆమె అనుకుంటోంది.
ఇవీ చదవండి: పాక్బౌలర్తో రిలేషన్.. పంత్కు క్షమాపణ చెప్పిన ఊర్వశి రౌతేలా
