Shane Warne: ఆస్ట్రేలియా స్పిన్ దిగ్గజం అంత్యక్రియలు అధికారిక లాంఛనాలతో నిర్వహించనున్నారు. ఆస్ట్రేలియాలోని ప్రఖ్యాత మెల్బోర్న్ క్రికెట్ గ్రౌండ్లో ఈ కార్యక్రమాన్ని జరపనున్నారు. ఈ అంతిమ సంస్కారాలకు దాదాపు లక్ష మందికి పైగా అభిమానులు హాజరుకానున్నట్లు తెలిసింది.
ధాయ్లాండ్లోని షేన్ వార్న్ భౌతికకాయాన్ని ఆస్ట్రేలియాకు తీసుకురానున్నారు. అనంతరం కుటుంబ సభ్యులు, అభిమానులు మెల్బోర్న్లో సమావేశం కానున్నట్లు స్థానిక మీడియా తెలిపింది. ఈ నెలాఖరున సంతాప కార్యక్రమాలు నిర్వహిస్తారని, వాటి ప్రణాళికలు ఖరారు అవుతున్నట్లు పేర్కొంది.
ఆస్ట్రేలియా ఫుట్బాల్ లీగ్ ప్రారంభమైన తరుణంలో వార్న్ అంత్యక్రియలకు ఇబ్బంది కలిగే అవకాశం ఉందని మీడియా తెలిపింది. కానీ దిగ్గజ క్రికెటర్ గౌరవార్థం సర్దుబాట్లు చేయనున్నట్లు పేర్కొంది. అనేక మంది అభిమానులు ఇప్పటికే ఎంసీజీలో షేన్ వార్న్ విగ్రహం వద్ద పుష్పగుచ్చాలు, సంతాప లేఖలు, పిజ్జాలు పెట్టి నివాళులు అర్పిస్తున్నారు.
ఇదీ చదవండి: 14 రోజుల డైట్ వల్లే వార్న్ చనిపోయారా?
