Road Safety World Series : రోడ్‌సేఫ్టీ ప్రపంచ సిరీస్ సీజన్‌-2 టోర్నమెంట్లో పాల్గొనే ఇండియన్‌ లెజెండ్స్ జట్టుకు దిగ్గజ క్రికెటర్ సచిన్ తెందుల్కర్ సారథ్యం వహించనున్నాడు. సెప్టెంబర్ 10న ఆరంభమయ్యే ఈ టోర్నమెంట్‌కు కాన్పూర్‌, రాయ్‌పుర్‌, ఇండోర్‌, డెహ్రాడూన్‌ వేదికలుగా నిలువనున్నాయి. ఈ టోర్నీలో తొలి మ్యాచ్ కాన్పూర్‌లో జరుగుతుండగా.. రాయ్‌పుర్‌లో సెమీఫైనల్స్‌, ఫైనల్స్‌ జరగనున్నాయి. భారత్‌తో పాటు ఆస్ట్రేలియా, శ్రీలంక, వెస్టిండీస్‌, దక్షిణాఫ్రికా, బంగ్లాదేశ్‌, ఇంగ్లాండ్‌ జట్లకు చెందిన దిగ్గజ క్రికెటర్లు ఈ టోర్నీలో ఆడుతున్నారు. న్యూజిలాండ్‌ లెజెండ్స్ జట్టు ఈసారి కొత్తగా లీగ్‌లో చేరింది. రోడ్డు భద్రతే ప్రధాన ధ్యేయంగా ఈ సిరీస్‌ను నిర్వహిస్తున్నారు. తమ ఆరాధ్య ఆటగాళ్లు ముందుకు వచ్చి ఇలా సిరీస్ ఆడడం వల్ల రోడ్డు భద్రతపై అభిమానుల్లో అవగాహన వస్తుందని భావిస్తున్నట్లు నిర్వాహకులు తెలిపారు.
"క్రికెట్తో రోడ్ సేఫ్టీ మీద అవగాహన కల్పించడం అనేది మంచి ఇనీషియేటివ్. దేశంలో ఉన్న ప్రతి వ్యక్తికి రోడ్ సేఫ్టీ రూల్స్పై అవగాహన ఉండాలి. వాటిని అనుసరించాలి. అలా జరగాలంటే వారికి అవగాహన కల్పించాలి. భారతీయ రోడ్లపై ప్రాణాలను కాపాడాలనే లక్ష్యం.. ఈ సిరీస్తో సాధ్యం అవుతుందని నేను నమ్ముతున్నాను" అని కేంద్ర రవాణా శాఖ మంత్రి నితిన్ గడ్కరీ అన్నారు.
ఇవీ చదవండి: 'టెన్షన్ ఎందుకు? టైమ్ వస్తే అదే అవుతుంది!'.. 90 మీటర్స్ టార్గెట్పై నీరజ్ కూల్ రిప్లై
భారత్-హాంకాంగ్ మ్యాచ్.. స్టేడియంలో క్రికెటర్ లవ్ ప్రపోజల్
