శ్రీలంక స్పిన్ లెజెండ్ ముత్తయ్య మురళీధరన్.. సచిన్కు బౌలింగ్ చేయడం అంటే తనకు అస్సలు భయం ఉండేది కాదని తెలిపాడు. ఓ ఛానల్లో కామెంటేటర్ ఆకాశ్ చోప్రాతో మాట్లాడిన మురళీధరన్.. సెహ్వాగ్, లారాకు బౌలింగ్ చేయడంపై కూడా తన అభిప్రాయాన్ని తెలిపాడు.
"సచిన్కు బౌలింగ్ చేయడం అంటే నాకు భయం లేదు. ఎందుకంటే సెహ్వాగ్, లారాలా అతను నన్ను ఇబ్బంది పెట్టడు. ఆఫ్ స్పిన్లో వికెట్ కాపాడుకునేందుకు ప్రయత్నిస్తుంటాడు. నా బౌలింగ్తో సచిన్ను చాలా సార్లు ఔట్ చేశాను. ఆఫ్స్పిన్లో సచిన్ ఇబ్బందిపడుతుండటం నేను గమనించాను. బహుశా ఇదే సచిన్ వీక్నెస్ అనుకుంటా."
--ముత్తయ్య మురళీధరన్, శ్రీలంక మాజీ క్రికెటర్.
వన్డేల్లో 530 వికెట్లు తీసిన మురళీధరన్, సచిన్ను 13 సార్లు ఔట్ చేశాడు. మొత్తంగా మురళీధరన్ 800 టెస్టు వికెట్లు తీసి ప్రపంచంలోనే ఉత్తమ బౌలర్గా నిలిచాడు.
ఇక సెహ్వాగ్, లారాలను ప్రశంసలతో ముంచెత్తాడు మరళీధరన్. సెహ్వాగ్ ఓ డేంజరస్ బ్యాట్స్మన్ అని అన్నాడు. ప్రస్తుతం ఉన్న ఆటగాళ్లలో విరాట్ కోహ్లీ, బాబర్ అజామ్ మంచి బ్యాట్స్మెన్ అని పేర్కొన్నాడు.
