'భారత్ పిచ్​లపై మాట్లాడే వారు నోరు మూసుకోవాలి- మా వద్ద బంతి తిరిగితే ఒప్పుకోరా?'

Rohit Sharma On CapeTown Pitch : భారత్‌లోని పిచ్‌ల గురించి మాట్లాడే వారు నోరు మూసుకోవాలని టీమ్ఇండియా కెప్టెన్ రోహిత్ శర్మ ఆగ్రహం వ్యక్తం చేశాడు. భారత్​ పిచ్​ల గురించి మాట్లాడకుండా ఉంటే, కేప్‌టౌన్‌ పిచ్‌పై ఆడటానికి తనకేమీ ఇబ్బంది ఉండదని టీమ్‌ఇండియా రోహిత్‌ అన్నాడు. ఇంకా రోహిత్ ఏమన్నాడంటే?

Rohit Sharma On CapeTown Pitch : కేట్​టౌన్​ వేదికగా జరిగిన రెండో టెస్ట్​లో దక్షిణాఫ్రికాను చిత్తు చేసింది టీమ్ఇండియా. 7 వికెట్ల తేడాతో సఫారీలపై ఘన విజయం సాధించింది. అయితే ఈ మ్యాచ్​లో అనేక రికార్డులు బద్దలయ్యాయి. పేస్​కు ఈ పిచ్​ విపరీతంగా అనకూలించింది. ఈ విషయంపై టీమ్ఇండియా కెప్టెన్ రోహిత్ శర్మ స్పందించాడు. భారత్‌లోని పిచ్‌ల గురించి మాట్లాడకుండా ఉంటే కేప్‌టౌన్‌ పిచ్‌పై ఆడేందుకు తనకేమీ ఇబ్బంది ఉండదని అన్నాడు. భారత్​ పిచ్​ల గురించి మాడ్లాడే విషయంలో నోరు మూసుకోవాలని అసహనం వ్యక్తం చేశాడు.

• 1⃣-1⃣
  
  A well-fought Test Series between the two teams comes to an end 👏👏#TeamIndia | #SAvIND pic.twitter.com/pTsYsYoKGt

  — BCCI (@BCCI) January 4, 2024 " class="align-text-top noRightClick twitterSection" data="

  1⃣-1⃣
  
  A well-fought Test Series between the two teams comes to an end 👏👏#TeamIndia | #SAvIND pic.twitter.com/pTsYsYoKGt

  — BCCI (@BCCI) January 4, 2024

  ">

  1⃣-1⃣
  
  A well-fought Test Series between the two teams comes to an end 👏👏#TeamIndia | #SAvIND pic.twitter.com/pTsYsYoKGt

  — BCCI (@BCCI) January 4, 2024

'ఈ టెస్టులో ఏం జరిగిందో, పిచ్‌ ఎలా ప్రవర్తించిందో అందరూ చూశారు. ఇండియాకు వెళ్లినప్పుడు అక్కడి పిచ్‌ల గురించి మాట్లాడే విషయంలో నోరు మూసుకుని ఉంటే, ఇలాంటి పిచ్‌పై ఆడేందుకు నిజంగానే నాకెలాంటి ఇబ్బంది ఉండదు. ఈ పిచ్‌ చాలా ప్రమాదకరంగా ఉంది. మాకు పెద్ద సవాలు విసిరింది. భారత్‌ పిచ్​లపై కూడా ఇలాంటి సవాలే ఉంటుంది. మేము టెస్టు క్రికెట్‌ ఆడేందుకు వచ్చాం. పిత్​ ఎలా ఉన్నా ఆడాలి. కానీ భారత్‌లో తొలి రోజు నుంచే స్పిన్‌ తిరిగితే అప్పుడందరూ ఏదేదో మాట్లాడతారు. మొదటి రోజు నుంచి బంతి సీమ్‌ అయితే పర్వాలేదు. కానీ బంతి తిరిగితే మాత్రం ఒప్పుకోరా? ఈ విషయంలో తటస్థంగా ఉండాలి. పిచ్‌లకు రేటింగ్‌ ఇచ్చేటప్పుడు రిఫరీలు కూడా నిష్పక్షపాతంగా వ్యవహరించాలి' అని రోహిత్‌ శర్మ చెప్పాడు.

హోస్ట్​ దేశాన్ని కాకుండా పిచ్‌ను చూసి రేటింగ్‌ ఇవ్వాలని రోహిత్​ శర్మ పిచ్​ రిఫరీలకు సూచించాడు. కేప్​టౌన్​ పిచ్‌కు ఎలాంటి రేటింగ్‌ ఇస్తారో చూడాలని ఉంది అన్నాడు. ఏదేమైనా ఇది మా అత్యుత్తమ టెస్టు మ్యాచ్‌ విజయాల్లో ఒకటని, గతంలో ఇక్కడ ఎప్పుడూ గెలవలేదని తెలిపాడు. అందుకే ఈ గెలుపు అత్యుత్తమంగా నిలిచిపోతుంద అన్నాడు. ఆస్ట్రేలియాకు పెట్టని కోట అయిన గబ్బాలోనూ ఆ జట్టును ఓడించామని, ఆ మ్యాచ్‌ గెలిచిన తీరు కూడా ముఖ్యమే రోహిత్ అన్నాడు.

మ్యాచ్ సాగిందిలా!

• దక్షిణాఫ్రికా తొలి ఇన్నింగ్స్ : 55-10 (23.2 ఓవర్లు)
• భారత్ తొలి ఇన్నింగ్స్ : 153-10 (34.5 ఓవర్లు)
• దక్షిణాఫ్రికా రెండో ఇన్నింగ్స్ : 176-10 (36.5 ఓవర్లు)
• భారత్ రెండో ఇన్నింగ్స్ : 80-3 (12 ఓవర్లు)